أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

علي بس انت علي بسوح النزال
اتخاف بس من الله من تحارب
شمعنه تضعف ياعلي اگبال اليتيم
وانت تلوي بچفك اطول شارب

 

[mohammed.shams]

عين الاشوفك بيها احس تختلف
مونفس عيني البيها اشوف البشر
امشي بحياتي وامعن بخطوتك
حتى من اتيهك ع الاقل الكة اثر

 

[mohammed.shams]

ماطول الدرب مگطوع

والوادم خذاها الليل نعتب ليش ونتاني

الغاب بلا عذر معذور ، لاگيلة وطن ثاني

 

[mohammed.shams]

لوحه چني
إبطرف راگ المصايب ::::::: لوحه چني
وشگل لجروح گلبي :::::: لوحه چني
صفيت آنا بغيابك ::::::::: لوحه چني
ورسم كلشي وكلاشي الوكت بيه ..

 

[mohammed.shams]

ويهيش
ادگ والطم واملخ الراس ويهيش
صفت للما ينش دنياي ويهيش
تعال وشوف ويهي انگلب ويهيش
بعلي يخرعون ناس السلف بيه

 

[mohammed.shams]

‏ردت اكلك
شوف المتيه على المامش يطيح !!!

وشنهي ذنبي ....؟
الليل يصلبني على بيبانك مسيح

 

[mohammed.shams]

والابهام
وحك الجنت اودنهم والابهام
بفرح لا مستجن گلبي ولا بهم
كليت الاربعه بعدك والابهام
سهيت وللزند كض عظم بيه

 

[mohammed.shams]

هاوين
صحت بصوات يوم المشو. هاوين
انتظر يلي خذيت الروح. هاوين
أصبحت هيله وطحت مابين. هاوين
العطر للغير والدگات بيه

 

[mohammed.shams]

بعـد بس باب واوصلـّك
ودگ روحـك !
واگلهم جاسنـي وجسـته !!

 

[mohammed.shams]

وحق الي بطرف العين يسكن
من اشوفك كل وجع بالروح يسكن
اليگول انساك عساه الگبر يسكن
ويشوف الويل كل صبح ومسيه