أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بنص نهرهم بس عطشتكّ ..
شكبره ذنبي والله عاقبني وعشگتكّ..

 

[mohammed.shams]

متت من اهلي #ظلموني
ومتت من ربعي #غدروني
انه #المخلوق بس مره
وعشر مرات #دفنوني

 

[mohammed.shams]

حجولي شكد عليك وكلت عذال
عاندت الحجو عنّك وجيتــــــك
گالو صعب دربه يتعبك هواي
ورغم هذا التّعب كله اعتنيتك
گالو بس أذيه وعوفه وأرتاح
عفت الرّاحة أنا وميّت آب ذيتك

 

[mohammed.shams]

عين الاشوفك بيها احس تختلف
مونفس عيني البيها اشوف البشر
مرات احجي صورتك ع الورق
من اخلط احساسي وي لون الصور
امشي بحياتي وامعن بخطوتك
حتى من اتيهك ع الاقل الكة اثر
انة من اعوفك جدمي يمشي بثقل
ثقل الچدام المالة من السفر
ومن تمشي عني الكون احس يختنگ
والعالم بكبرة احس بيه زغر
بس لمن تردلي ارد اكتشف
كلشي بمكانه وانتة حبك كبر

 

[mohammed.shams]

هي مو كُل ظلمه ظلمه
شامتك ظلمه وتلالي

 

[mohammed.shams]

كون اجيج ...
وروحي متروسه سوالف ... ارد اطشرها عليج ...

 

[mohammed.shams]

الحرشه حِلوة وياک يَل كلش عزيز
النخلة ويّ صاعوُدها تدور شبگ

 

[mohammed.shams]

لليوم عنهم تنسأل !

وهم بعدک تهز ايدک !

راحوا الغيرک يا گلب !

خل المحنه تفيدک !

 

[mohammed.shams]

‏ولا مرة حچيت بسالفة تضرك

ولاداعي عليك بغير

طاري العافيه بظهرك

️

 

[mohammed.shams]

‏دوريت سنين عمري عليك گلهن…
دورتهن وحده وحده ومالگيت…!
ودوريت أوراقي وبيوت القصايد بيت بيت…
وچان طاريك يمر ليليه بيه…
شفتك ويه أوراقي چلمه…
وشفتك عذيبي ويه نسمه…
و انت بس انت حبيبي الما إجيت…
يالذيذ الروح وحشه…
وداعتك وحشه الليالي…