أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شكراً عالجرح صحيتني بفرگاك
چنت أتصورك بالدنيا بس انته
فضيت الگلب بس الك مو للغير
والخاطر رضاك الجرح صاحبته

 

[mohammed.shams]

أمنتك گلب لو چان يم ابليس
يسجد والخشوع يفيض من گصته
ما اكتب شعر بيه الخيال أخيال
شما باوع عليه أجدامي ساحگته

 

[mohammed.shams]

1. مااكتب قصيده الصور بيهه أجروح
   من اقراهه اموت وانذبح سكته
   أسألك من خنت تعرفني كلش زين؟؟
   لو بس بالأسم وتگول فارگته

   
   
   
   

 

[mohammed.shams]

انه الماضعف گلبي ورجف ممشاي
اچذب الگال گلبي تنسمع دگته
أنه البيدي زرعتك من گبل سنتين
طفل چانت محبتك بيدي كبرته

 

[mohammed.shams]

1. ضگت عنبك گبل لا تبخس الأسعار
   لا بل من گبل لا ينضج أبوكته
   صلفه أشفافي لكن مو مثل عيناك
   حرام الچان خد أشفافي بايسته

   
   
   

 

[mohammed.shams]

شنو نفع الگلب لوما عشگ يچويه؟؟
وشنو نفع اليحج وتنرفض حجته؟
وشنو نفع الغني لكن فقير اخلاق
يترجه بمماته تنبري ذمته

 

[mohammed.shams]

بحر حبي وركبته وانته مو سفان
متوهم أتگول البحر غرگته
حبيتك نعم ما اختلف وياك
وأحس حبك ملح بشفافي من ضگته

 

[mohammed.shams]

وأنطيتك حنان الدنيا تحلم بيه
لكن بالمقابل شنهو قدمته؟؟
عفت گلبي أبغيابك بالشمس مصلوب
(مثل راس الحسين يعاين الجثته)

 

[mohammed.shams]

وياخذني الخيال وبابك اوگف بيه
أشوفه بدون جدمي الصفنه ماخذته
مو دگات ادگ عالباب لا والله
لحن داخل حسن تترجم أبدگته

 

[mohammed.shams]

لوّن الباب تطلع تبچي الجيران
العرف والماعرف يبچي اعله سالفته
عشت كل العصور بمشيتي وياك
بس عصر الخيانه الماعرف قصته