أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

عصر الجاهليه الچنت اسمع بيه
عشته برشف شفتك والخمر ضگته
هسه أشما أشوفك شوگي أحسه أيموت
وأحس طعم الخمر ما انتشي بلذته

 

[mohammed.shams]

كرهتك اي نعم بس راح اگلك ليش
مو جاهل واگول أبلا سبب عفته
لأن طبعك حقير وزله مني اتريد
وشلت بيدي القلم وبشعري كفرته

 

[mohammed.shams]

وانه شاعر حزن بجّيت حته الناي
چان اخرس تخاف الناس من صمته
حچيت بأذنه قصتي اللي عشتهه أوياك
صاح الله واكبر واعتلت ونته

 

[mohammed.shams]

مثل عود البخور بجرحه صار أوياي
قوه شعري ولكن نايي ضعفته
ماتت ذكرياتك بالخريف الفات
وجذع نخلة محبتك من خنت شلته

 

[mohammed.shams]

ولا تعاشر بشر واتورجه بسرار
اذا ماي الحياء بگصته شحيح

 

[mohammed.shams]

منـــكــد مـــافـــكـــر بيـــك واشتـــاك
مشابك ويروحي من امشي بلشارع

 

[mohammed.shams]

اجيت تشوفني وبعيونك اشواك
لو شامت اجيت ويه اليشمتون
اشو صافن علي والرجفة بشفاك
رمشك ما رمش تعبت الجفون
معقولة الخجل لو تحس ندمان
هم عندك احساس وية اليحسون

 

[mohammed.shams]

تسألني احبك والله عيب عليك
موتدري من اشوفك تضحك عيوني
ومن تبعد عليه ايامي وحشة تصير
والفرحة ابد ماتسكن سنوني
لاتسأل حبيبي وانت تعرف زين
صدكني بسؤالك تكثر جنوني
حبيتك ترف والكلب بيدك صار
بس هسة بكلامك خابت ضنوني
من يوم العرفتك واني مغرم بيك
صرت انت شرابي وانت ماعوني
شكثر عنك حجولي الناس
وعن حبك اتوب وانسه رادوني
وانه بكل دقيقة تمر الك اشتاك
صرت اول حلم بس تغمض جفوني

 

[mohammed.shams]

لاجـــلك حاربــت كل اهلـي والكــون
كلـت ما اريــد غيــرك يـالعفتنـــي
مايحـتاج اعاتـــب واطـلب العــــــون
منــــك وانتــــه بــايــدك عــــذبتنـي

 

[mohammed.shams]

من كد ما احبك تعرف شسويت
اخط اسمك كبالي واشتم احروفك