أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يمكن مو وكتهه
بس بعد حبيت
لا والمشكله ما تدري بيه انته
وحق عيونك الما حاسبلهه حساب
ليحب من طرف واحد يحترك سكته
انه متعود اخذ دور اليبچون
بس دور المبلل ما تعودته

 

[mohammed.shams]

‏گلوله
تره العفته اذا ذكروك
وكت غروب
صوب الجبله يتمدد

عريان السيد خلف

 

[mohammed.shams]

وشـگد اجـيت بچـم حـلم
بـس انـت َ ابـد مـا فرزنـت
شـوگي وتعـابـيري

مشكلتك اتضـيع العـرف
لـو روحـي يمك تنـذبـح
هــم تلتـهي بغـيري

 

[mohammed.shams]

أفتـح الـباب أشـتم هـوى
يـ الـدافن أسنينـڪ دفـن
شـنهي اليجبـرڪ ؏ الصـبر
وشـنهي اليجبـرڪ منـتظر
وجــــا شـنهي خلوڪ ومشـو
ماوزنـوڪ أبـأي وزن

#ألـمـــن_تحــن؟؟

 

[mohammed.shams]

يجي يوم وٲجي ببالك
وٲذكرك بيه بالكَوه
وتحن وتريد تعود
يم ٳيامنه الحلوه

بالله شفادك فراگي ؟!
وتدري بدوني ما تسوه

زيد الهاجـري

 

[mohammed.shams]

لا تجي شايلك عذر
كَلفه يلسمر تعتذر
عذرك يحزني من النحر
لا تجي ولا تتوسف
خل الفراك بلا شمس
والدمع بالفي ينشف

 

[mohammed.shams]

‏بعدني اتمايل ابسدك توالي الليل
ولم كل الحچي ابگدك

واجيسك والگه طول امرايتي ابگدك
وگلك هاك اخذني استغفر ابخدك

وغني العندي والعندك
وبوس اجروحي وجروحك
وسويلك شته الوحدك

 

[mohammed.shams]

ؤ مري بيه
مري بيه وخلي ارسمج بالخيال
بفكر شاعر
صوره من طعم العسل
اشربهه يوميه الصبح ويه الونين


أدهم عادل

 

[mohammed.shams]

يـ وين انتوا
شثگلها الـ وين
مـن تعبـر على الـريـه
وانـه مخـلـص صـوركـم شـم

حسن المعيبد

 

[mohammed.shams]

لا تسافر..
عمري كل لحظاته ليل بلايه كَمره
يل على رموشك رسمت الغربه والهجران شذره.!