الى من تجاسر على سوق الشيوخ
مد رجليك كد اغطاك لا لتزود
اخافنك تموت بلدغ ثعباني
وانت اختار منهن واعرف الجلمات
لان ماترضه صورة زيف حيطاني
القوافي هوسن والشعر بيرغ شال
هدّن بس لزمت اعنانهه اوزاني
الساني السان شاعر موش ياهو الجان
بالك لاتلوحك شفرة الساني
ابن سوك الشيوخ الشعر يحلف بيه
اذا ماكو شعر ما تغفه رضعاني
وعاين للقصايد وين عندي تنام
لهسّه ادموعهن تجري عل ذرعاني
حديّه بديه توّك بيت يسحل بيت
والوان الشعر ترضع ابالواني
ابو معيشي انه وحامد وحمدي وياي
الشعر جلمة اعد بسماي راواني
انه جلمة وفه وبالناصريه شهود
انه داخل حسن للناس غناني
انه اذاني تسمع للي بيرغ صار
مو طرشه لجن متسمعك اذاني
اذا دله الشعر عندك تحسبه اليوم
اعرف دلّتك تنحني الفنجاني
بيبانك ذليله ابوجه كلمن جاك
وانه كبلي تفز للجاي بيباني
انه سوك الشيوخ وخلّك انت منين
بتاريخ المجد موجود عنواني
الشاعر محمد حسن ضيغم
مد رجليك كد اغطاك لا لتزود
اخافنك تموت بلدغ ثعباني
وانت اختار منهن واعرف الجلمات
لان ماترضه صورة زيف حيطاني
القوافي هوسن والشعر بيرغ شال
هدّن بس لزمت اعنانهه اوزاني
الساني السان شاعر موش ياهو الجان
بالك لاتلوحك شفرة الساني
ابن سوك الشيوخ الشعر يحلف بيه
اذا ماكو شعر ما تغفه رضعاني
وعاين للقصايد وين عندي تنام
لهسّه ادموعهن تجري عل ذرعاني
حديّه بديه توّك بيت يسحل بيت
والوان الشعر ترضع ابالواني
ابو معيشي انه وحامد وحمدي وياي
الشعر جلمة اعد بسماي راواني
انه جلمة وفه وبالناصريه شهود
انه داخل حسن للناس غناني
انه اذاني تسمع للي بيرغ صار
مو طرشه لجن متسمعك اذاني
اذا دله الشعر عندك تحسبه اليوم
اعرف دلّتك تنحني الفنجاني
بيبانك ذليله ابوجه كلمن جاك
وانه كبلي تفز للجاي بيباني
انه سوك الشيوخ وخلّك انت منين
بتاريخ المجد موجود عنواني
الشاعر محمد حسن ضيغم
