# # حضوركم بأبوذية تروق لكم ،،،،،***

[جنون العاطفه]

رد: # # حضوركم بأبوذية تروق لكم ،،،،،***

المر وياك صدك شهد منك
وقضيتي وياك شاهد شهد منك
اذا روحي بشليله كلي شهد منك
اذا هدك تموت الروح بيه

 

[رمااد اانسان]

رد: # # حضوركم بأبوذية تروق لكم ،،،،،***

كلبي ما لعب غيرة .. لعابة
واحسن شفة لامراضي .. لعابة
سبحان الذي صاغة .. لعابة
ونفخ بي روح حتة يعم علية

 

[جنون العاطفه]

رد: # # حضوركم بأبوذية تروق لكم ،،،،،***

ولك نيران دلالي وجن بيك
وعليك العقل ضل تايه وجن وبيك
وصيتي اندفن يمك وجنبيك
يم كبرك جهنم جنه اليه

 

[رمااد اانسان]

رد: # # حضوركم بأبوذية تروق لكم ،،،،،***

من وجهك بنص الليل .. لالة
شنو امك بالنساوة اشتهت .. لالة
من اكرّب ليك ليش تصيح .. لالة
خايف لا تموع ابين ادية

 

[جنون العاطفه]

رد: # # حضوركم بأبوذية تروق لكم ،،،،،***

فرح اذوي من اشوفك وسطك انه
ومنو الوشوش بذانك وسطك انه
تكلي وينك انت ؟ وسطك انه !
تدور عالنبض تعثر عليه

 

[رمااد اانسان]

رد: # # حضوركم بأبوذية تروق لكم ،،،،،***

صار الكلب كاسك .. وانتة كاسة
والميحبك خسارة .. وانتكاسة
لو العب ابدوري .. وانتة كاسة
اشيلك حتة لو خسران مية

 

[جنون العاطفه]

رد: # # حضوركم بأبوذية تروق لكم ،،،،،***

كضى قيس بهوه ليلى سنينه
ومن شفت تمنيت العمر ترجع سنينه
والله لسوي حجايتي بحبك سنينه
وخلي الناس كلها تلوم بيه

 

[رمااد اانسان]

رد: # # حضوركم بأبوذية تروق لكم ،،،،،***

تعال اكعد نصفي الألك .. واللي
وعلية النوب ياهو تريد .. ولي
كلتلة خل ابوسك كال .. ولي
شنو تبوسني تنّك علية

 

[جنون العاطفه]

رد: # # حضوركم بأبوذية تروق لكم ،،،،،***

اذا تطلب طلب ارضاه واقبله
صرت عندي مثل جنة وقبله
اريد اشتم ورد خدك وقبله
واضمك ياحلو باثنين ايديه

 

[رمااد اانسان]

رد: # # حضوركم بأبوذية تروق لكم ،،،،،***

جذب جفي بعدكم .. يومي لأحّد
وهواكم وين حدة .. يو ملا حد
انة لو ما اجيكم .. يوم الاحد
الثنين من الصبح لطموا علية