# # حضوركم بأبوذية تروق لكم ،،،،،***

[أهواك]

رد: # # حضوركم بأبوذية تروق لكم ،،،،،***

احبك اكثر من الكون ونسه
وعندي الموت اذا يرضيك وانسه
ما افارك ابد ذكراك يوم وانسه
واقدم روحي لعيونك هدية

 

[جنون العاطفه]

رد: # # حضوركم بأبوذية تروق لكم ،،،،،***

يمن وجهك كمر بسماي ليلاي
صرت قيس بمحبتك صيري ليلاي
كمت مانام لابضحى وليلاي
مساهر للصبح وكتب بوذيه


[mention=63158]رمااد اانسان[/mention]
فدييييتك تسلملي ايدك عزيز قلبي
بعد روحي شكد مبدع

 

[جنون العاطفه]

رد: # # حضوركم بأبوذية تروق لكم ،،،،،***

خلدوني انا النخله الابيه الخلدوني
لون واحد صعد سوري خله دوني
بس انته الضكت تمري خلدوني
لان تستاهل واكله هنيه

 

[سعد العراقي راقي]

رد: # # حضوركم بأبوذية تروق لكم ،،،،،***

موش ادموع للفركه اصب عين

وسهم عيوني مايخطي اصب عين

بيني وبين تابوتي اصبعين

وانته اختار حضنك لو منيه

 

[سعد العراقي راقي]

رد: # # حضوركم بأبوذية تروق لكم ،،،،،***

رحيلك سوط والشامت .....يلدباه

دليلي وصيحت معسره....يلدباه

شتضن الجسد ظل شايل....يلدباه

وحقك بس عظم يصرج بخيه

 

[سعد العراقي راقي]

رد: # # حضوركم بأبوذية تروق لكم ،،،،،***

منو مثلي انظلم ونكره ونحاب

ثلج ونحا سموم الصيف ونحاب

وعلي منذكر ضحكتك ذيج ونحاب

شرط تسمع صفير كبور بيه

 

[رمااد اانسان]

رد: # # حضوركم بأبوذية تروق لكم ،،،،،***

بسواد عيوني كلبك لونه بين
اونظل نبلع سوالف لو نبين
اوعلي اوثق ابمحمد لونبيين
يكفلونك ترد وتخون بيه

 

[رواد]

رد: # # حضوركم بأبوذية تروق لكم ،،،،،***

بجيتك كلت اجه لحمي .. واجه دماي
وكلت بعد العطش كلبي .. وجد ماي
دربك كثرت اشواكه .. وجدماي
ماتحمل بعد بزات بيه



م

 

[رمااد اانسان]

رد: # # حضوركم بأبوذية تروق لكم ،،،،،***

خلدوني انا النخله الابيه الخلدوني
لون واحد صعد سوري خله دوني
بس انته الضكت تمري خلدوني
لان تستاهل واكله هنيه

ههههههههههه
صايره شاعره

العسل ماخذ حلاته من تمركم
او ولع بالروح يصبح من تمركم
الكلب مو بيدي من بيكم تمركم
سكنتوا وي النبض والروح بيه

 

[رمااد اانسان]

رد: # # حضوركم بأبوذية تروق لكم ،،،،،***

ثلم مايلوي طبعي كواني
وسايس دنيتي مسايس كواني
تريد اهموم احملك كواني
اذا مو للحلك ردنه عليه