# # حضوركم بأبوذية تروق لكم ،،،،،***

[madness man]

رد: # # حضوركم بأبوذية تروق لكم ،،،،،***

‏ثلث دگات حدر اشفاه ....دگهن
‏وعليه معثرات الوكت .....دگهن
‏إسهام عيونه وسط چلاي...دگهن
‏وأخذ گلبي وتصدق بي عليه

 

[madness man]

رد: # # حضوركم بأبوذية تروق لكم ،،،،،***

صعب دمع اليطيح ابگاع لماه
‏ابغيابك والدليل ؛؛؛ اشكثر لماه
‏صرت مثل ؛؛؛اليناشغ دوم لماه
‏فطيم وشوفتك شحت عليه

 

[رمااد اانسان]

رد: # # حضوركم بأبوذية تروق لكم ،،،،،***

بعلوم الغيب حبك - - - - - علقتلك.
وشمع من نار گلبي - - - - - علگتلك.
على المنشور اجيتك - - - - علقتلك.
دعلقلي اشبيك متكبر عليه...

 

[رمااد اانسان]

رد: # # حضوركم بأبوذية تروق لكم ،،،،،***

بسواد عيوني كلبك لونه بين
ونضل نبلع سوالف لو نبين
وعلي وثق بمحمد لو نبين
يكفلونك ترد وتخون بيه

 

[رمااد اانسان]

رد: # # حضوركم بأبوذية تروق لكم ،،،،،***

اريد افتح قفل صدري وكتهن
على الفاتن ولايرجع وكتهن
وكت عسر بدلالي وكتهن
ووكت مدري الزمان شضام اليه

 

[رمااد اانسان]

رد: # # حضوركم بأبوذية تروق لكم ،،،،،***

تعال اخذه الكلب يفلان ويهاك
ومن غيري على الزينات ويهاك
من يوم الدرت وجفيت ويهاك
وعلي اكبور النجف تنشاف بيه

 

[رمااد اانسان]

رد: # # حضوركم بأبوذية تروق لكم ،،،،،***

كلب ماظن ابد عندك. عدل مات
اريد اليوم اسب اهلك. عدا المات
دكلي شبيك ماتسال. عدل مات
اموت ومااظن تسال عليه

 

[رمااد اانسان]

رد: # # حضوركم بأبوذية تروق لكم ،،،،،***

طعم كهوه بحلك دله . وهل بيك
هلال وعاشگ عيونك ...وهل بيك
اريد اوكف على دربك ...وهل بيك
هله بجيتك يمن حنيت اليه....

 

[رمااد اانسان]

رد: # # حضوركم بأبوذية تروق لكم ،،،،،***

اريد افرمت قلبي والغي رامـــه
واشيل العشك منه والغي رامـــه
عليك انت المخطط والغرامـــــه
لان حسنك كسر غفله عليه

تفرمت ليش بعد الروح راماك@@
الگلب من دون كل الخلگ راماك@
يشل أيد الذي بحجار رامــــــاك@
لأن طبعك نخل مابيك أذيـــــــة@

 

[رمااد اانسان]

رد: # # حضوركم بأبوذية تروق لكم ،،،،،***

مشوا وسياط فركاهم لحني
وحنين النوك اذا حنت لحني.
نذر لو عادوا احبابي لحني
بيتي وبيت سابع جار اليه.