# # حضوركم بأبوذية تروق لكم ،،،،،***

[جنون العاطفه]

رد: # # حضوركم بأبوذية تروق لكم ،،،،،***

غالي شلون حالك .. وصفه ليه
وعوف الناس كلها .. وصفه ليه
مريض وصار حبك .. وصفه ليه
من اشوفك مايظل كل مرض بيه

 

[رمااد اانسان]

رد: # # حضوركم بأبوذية تروق لكم ،،،،،***

فز كلبي بتوالي الليـــــــل ويروح
يمك يلي مليته همــــــــوم ويروح < جروح >
عشرتي وياك عشرة جسد وي روح
اذا تتركني اموت اشلون بيــــــــه

 

[major]

رد: # # حضوركم بأبوذية تروق لكم ،،،،،***

نفسك دوم حاسبها ولمها
تره امن ايديك مسرتها ولمها
فقير الحرص عالدنيا ولمها
وغني اليقنع ابرزقه لبلا شجيه

 

[mohammed.shams]

رد: # # حضوركم بأبوذية تروق لكم ،،،،،***

الدهر عاف البشر كولهه ولازماني
لا صاحب رحم بيه ولا زماني
اذا هيج الوضع اصبح لازماني
اخاوي الغدر والخان بيه ..

 

[mohammed.shams]

رد: # # حضوركم بأبوذية تروق لكم ،،،،،***

اريد أگضي توالي العمر هايوم
على الصاحت بتالي الليل هايوم
ها اموت بسبع تيام هايوم
ها گبل الفجر يسرون بيه.

 

[mohammed.shams]

رد: # # حضوركم بأبوذية تروق لكم ،،،،،***

بحجيك ليش بس وياي ........ شطيت
نطيتك دمع عيني تكول ....... شطيت
انة بدمع العيون اشطوط ....... شطيت
وصب دجلة وفرات بين ادية

 

[mohammed.shams]

رد: # # حضوركم بأبوذية تروق لكم ،،،،،***

بت كلبي انكطع بلتك ....... وبتكم
ردت اندلة شارعكـــم ....... وبتكم
واجي خطاب لبتكـــم ....... وبتكم
غصبن عالعشيرة اخذهة الية

 

[mohammed.shams]

رد: # # حضوركم بأبوذية تروق لكم ،،،،،***

الزمن هيهات يلوي ساعدي انه
ونساعد دوم كلمن ساعدانه
يل تسال على اصلي ساعدي انه
اهل نخوه وكَرم واهل الحميه

 

[mohammed.shams]

رد: # # حضوركم بأبوذية تروق لكم ،،،،،***

منهو الكدرك يا زين ..من ساك
يبو ثغر البعود الارك .. منساك
انه بحتف المناية وكلت .. منساك
بنهر جسام وذكرك عصف بيه

 

[mohammed.shams]

رد: # # حضوركم بأبوذية تروق لكم ،،،،،***

عرفت اشلون اد گ الصبر والهم
وانا قلبي انفطـــم عالظيم والهم
يـــوج قلبي على الطيبين والهم
يشــب وينطفي صبــــح ومسيه ***