# # حضوركم بأبوذية تروق لكم ،،،،،***

[mohammed.shams]

رد: # # حضوركم بأبوذية تروق لكم ،،،،،***

صحت ابصوت يوم المشو هاوين
اوكف يلي اخذت الروح هاوين
اصبحت هيله وطحت مابين هاوين
العطر للغير واني الدكات بيه

 

[mohammed.shams]

رد: # # حضوركم بأبوذية تروق لكم ،،،،،***

منو مثلي بدليلة جروح.....ير بان.
عليل ومرضي مو بسكوت..ير بان.
صرت ساري وتصيح الناس..ير بان.
لان يااهو الاحبة يخون بية.

 

[mohammed.shams]

رد: # # حضوركم بأبوذية تروق لكم ،،،،،***

صديقك عل الغدر لايك وراهم
وزين انت شفت غدرك وراهم
اني كبال عيني اسمع وراهم
ياكل من زادي ويطعن بيه

 

[mohammed.shams]

رد: # # حضوركم بأبوذية تروق لكم ،،،،،***

انشدك يا زماني اشبيك /شــــــــديت
او خذت مني ألاحبه ابحيلي/ شديت
اكطعت روح الاحسها بروحي/ شديت
او طحت خربان ياهو ايمر عليـه..

 

[mohammed.shams]

رد: # # حضوركم بأبوذية تروق لكم ،،،،،***

شجاك ومنشدت عني /وانا سال
وكلها تشافت جروحك/وانا سال
اشوفن دمعتك نشفت/وانا سال
دمعي على الخدين واحركهن اليه..

 

[mohammed.shams]

رد: # # حضوركم بأبوذية تروق لكم ،،،،،***

الك معـروف من تحجي .. والك حس
وألك ذوق شكثر مرهف .. وألك حس
أحـبـــك والله يمعـوّد ...... ولك حس
وأذا حسيت بس رمّش عليّه

 

[mohammed.shams]

رد: # # حضوركم بأبوذية تروق لكم ،،،،،***

صحتله بصوت خايب تان .. ماتان
بعيد الدرب والرجلين .. ماتان
بيه جروح صارن ولك .. ماتان
شما تبعد يزيد الوجع بيه

 

[mohammed.shams]

رد: # # حضوركم بأبوذية تروق لكم ،،،،،***

دليلي من لهيب الشوك سلواي


وظلت بس دمعتي عليك سلواي

واذا كتلك آنه متت سلواي
والبعد أثر حيل بيه

 

[mohammed.shams]

رد: # # حضوركم بأبوذية تروق لكم ،،،،،***

لـغـزحـبـك بـكلـبـي مـا تـحـلـه.


مــن بـعـدك ريـجـي حـنـظـل مـاتـحـلـه.

أنـعـكـدكـلـبـي وي كـلبـك مـا تـحـلـه.
يـظـل مـعـكـودلاخـــرنـفـس بـيـه..

 

[mohammed.shams]

رد: # # حضوركم بأبوذية تروق لكم ،،،،،***

هموم هواك ما خلــــــــن .. علي حال


فريضة وحبك مـــــــــن الله .. علي حال

يالتنشد على حالــــــــي .. علي حال
شيفيد النشد عالصار بيـه