# # حضوركم بأبوذية تروق لكم ،،،،،***

[مـــجيـّدالسيــــد]

رد: # # حضوركم بأبوذية تروق لكم ،،،،،***

[font=&quot]حميتك دافعت عنك .. ورحماك[/font]
[font=&quot]الطعن اهون ولا الوذن .. ورة حماك[/font]
[font=&quot]كلت اوليك ما اعوفك .. ورحماك[/font]
[font=&quot]وليت وطيبتي العمت علية
[/font]​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

[font=&quot]نهر خيري طفح لتكول .. زل ماي[/font]
[font=&quot]شجاهة وما تردلي الثار .. زلماي[/font]
[font=&quot]يمشيني على راية شلون .. زلماي[/font]
[font=&quot]ولا جني ابن حامي الحمية [/font]​

 

[قوافي]

رد: # # حضوركم بأبوذية تروق لكم ،،،،،***

سالفه عجبتني وبيها بيت ابوذيه
هذا اكو شاب گاعد اباب الحوش وفاتت حبيبته الاوليه هي وياها زوجها وابنها هو ظل يباوع عليها لأن صار اهواااي مفارگها ....
المهم دخلو لبيت اهلها وره اشويه طلع الولد ابنها يلعب باالباب صاحله ونشده گله عمو أنت شسمك گاله اسمي... علاوي طلع مثل اسم الشاب حظنه وباسه وشاله ألفين دينار وانطاه وگاله اذا نشدتك أمك گوللها هذني الفلوس من عمي الگاعد باالباب............وهو گاعد كال
أظل بهمومي اطويلك وألف لك
واظل للدوم يحبيب ...........ولف لك
يعليوي هذآ ألف لامك.والف لك.
ثمن نسمة هواها المر عليه









​

 

[استاذ العاشقين]

رد: # # حضوركم بأبوذية تروق لكم ،،،،،***

هله ياللي عشرتي اوياك ...... مأسات
إلك خدين بيض أتگول ........ ماسات
أسكر لون ايد بأيد ........ ماسات
واذوب ومايظل كل حيل ....... بيه..

 

[رجل المستحيل]

رد: # # حضوركم بأبوذية تروق لكم ،،،،،***

كبر كلبي باسمك .. هاك آذانه
اموت ولا اكلك .. هاكذا انه
طفل كلبي وتجاوز .. هاك اذانه
الويهه ارجوك خاف تعم عليه

 

[قوافي]

رد: # # حضوركم بأبوذية تروق لكم ،،،،،***

ساعة الوكت مشراكة سعافاي
وعلي بجفاك ماتلحك سعافاي
جنت نخلة ويفيلهم سعافاي
وعلى كرصة خبز جيموابيه

 

[قوافي]

رد: # # حضوركم بأبوذية تروق لكم ،،،،،***

سلب كوتي الوكت بجفاك والحال
وحرت مدري دكلي شلون والحال
وعلي بفركاك طرني الظيم والحال
ترده وجودرت الهموم بيه

 

[قوافي]

رد: # # حضوركم بأبوذية تروق لكم ،،،،،***

اناشد ويه روحي شباچ ماباچ
وعكبهم ياهو كال الشوف ماباچ
وكلام الله بشهر عاشور ماباچ
بكثر ما باچي عالمچفين اليه

 

[قوافي]

رد: # # حضوركم بأبوذية تروق لكم ،،،،،***

سرن بعدك ليالي الفرح..... وجفان
المصايب فوك راسي وكوف...... وجفان
دمعتي انه شتكضها عيون....... وجفان
ميهره تكول مهره تغير بيه

 

[قوافي]

رد: # # حضوركم بأبوذية تروق لكم ،،،،،***

جفاها وشال عنها الفرح...... ويلاه
روحي وخاوت اللوعات ......ويلاه
نسوج شمالهم ياروح .......ويلاه
دبك مابيج اكول اكطعوا بيه