# # حضوركم بأبوذية تروق لكم ،،،،،***

[مـــجيـّدالسيــــد]

رد: # # حضوركم بأبوذية تروق لكم ،،،،،***

اناشد ويه روحي شباچ ماباچ
وعكبهم ياهو كال الشوف ماباچ
وكلام الله بشهر عاشور ماباچ
بكثر ما باچي عالمچفين اليه​

 

["شہــاه زنـــان"]

رد: # # حضوركم بأبوذية تروق لكم ،،،،،***

انادي واخوتي تسمع مناداي

داي البيهم اتملک مناداي

اذايردوني اگص چفي مناداي

اگطعه ولا احط بيهم رديه

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

عشكت الهم واحب ونين .... وهواه
إلى أن ظاك بيه الكون..... وهواه
موش آنه الينام الليل....... وهواه
ابحظن غيره ايخسه من لام بيه
​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

سرن بعدك ليالي الفرح..... وجفان
المصايب فوك راسي وكوف...... وجفان
دمعتي انه شتكضها عيون....... وجفان
ميهره تكول مهره تغير بيه ​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

جفاها وشال عنها الفرح...... ويلاه
روحي وخاوت اللوعات ......ويلاه
نسوج شمالهم ياروح .......ويلاه
دبك مابيج اكول اكطعوا بيه
​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

اي والكون الميثاق ..... والذر
الحرك ارحملي من جفاك.....والذر
الحكني مو حجي الشمات.... وذر
الجبد وامعط نياط الكلب ليه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

اهنا يالجان طرفك .... لامحنه
ويظل جفي اعله طيفك .... لامحنه
لاظلت شفاكه ........... لا محنه
الهلا شرخص الهلا وشحت عليه ​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

خــوة هالوكت مامش وفلهه
وتشج برماحهه بكلبي وفلهه
اعتني عنوة لطلايبهم وفلهه
وهم بطلابتي يشمتون بيه
​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

الوكت يا حيف أثر بيده فاله
شطرني وجن احسن بيده فاله
صبح مثل المسودن بيده فاله
شما كَام وكَعد نبتها بيه.....
​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

اعله مودك چنت اهدن حگ وتل حگ
بعيني وناطرت تكبر وتلحگ
عساهه حوبتك تسحگ وتلحگ
وره كلمن رفض ينطيك اليه​