# # حضوركم بأبوذية تروق لكم ،،،،،***

[سعد العراقي راقي]

رد: # # حضوركم بأبوذية تروق لكم ،،،،،***

بحرنار آنا وانته يم شفاهي
أنا بدوني حبيبي يمشي فاهي
لون دنيت شفتك يم شفاهي
أموت وعمري صاير ثلثميه

 

[سعد العراقي راقي]

رد: # # حضوركم بأبوذية تروق لكم ،،،،،***

معاد الناس كلهة وانت أصلــــي
مثل غصن بفروعك وانت أصلي
راح اوكف ابابـــك وانت اصلــي
وكل طلقة التجيني ضماد اليــــة

 

[سعد العراقي راقي]

رد: # # حضوركم بأبوذية تروق لكم ،،،،،***

احب جفنك واحب عينك ورمشــــاك
واضل طول العمر امشي ورا امشاك
اذا تكطع مراسيلك ورمشـــــــــــــاك
اسويها معارك طائفيـــــــــــــــــــــه

 

[سعد العراقي راقي]

رد: # # حضوركم بأبوذية تروق لكم ،،،،،***

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه

 

[سعد العراقي راقي]

رد: # # حضوركم بأبوذية تروق لكم ،،،،،***

گلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

 

[سعد العراقي راقي]

رد: # # حضوركم بأبوذية تروق لكم ،،،،،***

انا بكاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

 

[أفروديت]

رد: # # حضوركم بأبوذية تروق لكم ،،،،،***

اغارإعليك من گلبي و العيون
لذلك آنه حاير وين أشيلك
وحقي ما أجيلك آنه معذور
أغار إعليك مني وماأجيلك ؛

 

[أفروديت]

رد: # # حضوركم بأبوذية تروق لكم ،،،،،***

كثر ما فكري يمك وانتَ بيه تدور
صرت حته من اغمض هم اشوفنّك
صرت بيك انه عايش وانتَ بيه تعيش
وبعد ما گمت أحبك صرت أحبنك ؛

 

[سعد العراقي راقي]

رد: # # حضوركم بأبوذية تروق لكم ،،،،،***

‏يدنيـا شعندچ من هموم ..ضـهراي
غديت اگدر اشوف نجوم ..ضـهراي
ابـكـثر ما عالخناجر طاف ..ضهراي
اعتـــقد مـتـوارد الــغـربيل بـــــيه

 

[سعد العراقي راقي]

رد: # # حضوركم بأبوذية تروق لكم ،،،،،***

‏على گلبي الفرح ما يوم..عده
ونهاري بشهر مو ساعات..عده
لگيت شگد دگايك سود..عده
افك وحده ويجن عشره سويه