# # حضوركم بأبوذية تروق لكم ،،،،،***

[سعد العراقي راقي]

رد: # # حضوركم بأبوذية تروق لكم ،،،،،***

اشيلن طن حمل گلبي وحط طن
المصايب چلچلن فوگي وحطن
وعلي من حلگي چنت آخذ وحطن
بحلگه ومدري ليش يخون بيه
---------
بعد ياطن اشيلنه شحط طن
وهنه صورك بريتي شحطن
بحلگك چا بعد گلي شحطن
اذا حطيت روحي وخنت بيه

 

[سعد العراقي راقي]

رد: # # حضوركم بأبوذية تروق لكم ،،،،،***

شخصك حيل طيب .....وأنه احبه
وحرت وين أشم خدك... وين احبه
انت الورد الأبيض ......وإني احبه
واموت عليك من تسأل عليه.

 

[حنان البصرة]

رد : # # حضوركم بأبوذية تروق لكم ،،،،،***

يفز كلبي بتوالي الليـــــــل ويروح
يمك يلي مليته همــــــــوم ويروح < جروح >
عشرتي وياك عشرة جسد وي روح
اذا تتركني اموت اشلون بيـا

 

[حنان البصرة]

رد : # # حضوركم بأبوذية تروق لكم ،،،،،***

عيوني من الدمع لجن وغارن
وعلى حيل الهجر هدن وغارن
اموتن من تحب غيري وغارن
اريدك بس تحبني وهاي هيه

 

[حنان البصرة]

رد : # # حضوركم بأبوذية تروق لكم ،،،،،***

حبك من شفـــــاف القلب عتباي
ولانوبه أذكرتنا واوصلت عتباي
أعتب مانفـــــــــــع وياك عتباي
على ياهي أزعـلت واقطعت بيه

 

[حنان البصرة]

رد : # # حضوركم بأبوذية تروق لكم ،،،،،***

نهر طيبي غميج ودوم مكروه
وحرامات الي منه اشربو مكروه
انه المالي ويه بناس مكروه
يعثره الله اليكره الناس بيه

 

[سعد العراقي راقي]

رد: # # حضوركم بأبوذية تروق لكم ،،،،،***

وحگ ارموشك الحلوة وعينك
أنه بالشدة أوگفلك وعينك
لون بيدي لنصبنك وعينك
ملك تحكم على كل البرية

 

[سعد العراقي راقي]

رد: # # حضوركم بأبوذية تروق لكم ،،،،،***

باد الحيل واتعس بيده هايه
وطلع ماكر حبيبي بي دهايه
سالمني وشبگني بيده هايه
وبيده الثانية يأشر عليه

 

[سعد العراقي راقي]

رد: # # حضوركم بأبوذية تروق لكم ،،،،،***

إجيت تگلي خل نرجع بعدما
حكمت اعله العشگ كله بعدما
بعد ماصد’گ بحچيك بعد ما
بعدما تگدر اتقشمر عليه

 

[سعد العراقي راقي]

رد: # # حضوركم بأبوذية تروق لكم ،،،،،***

إلك شفتين تكتل ولعني
واحسها بنار تحرگ’ ولعني
شني مسودن واگلك ولي عني
لو ش ارب نفط وجنون بيه