# # حضوركم بأبوذية تروق لكم ،،،،،***

[مـــجيـّدالسيــــد]

رد: # # حضوركم بأبوذية تروق لكم ،،،،،***

وحگ من جنت احبنه..وذكره
نسيت الهم لجه منك..وذكراه
يتغله يريد ينساني ابن..ذكرى
ويريد يروح مني ويجفي بيه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

على إحبال العشگته شر_شياطين
وكتي وما تكفه شر_شياطين
بعد مابيه گطرة شرش_ياطين
وإنه الجان النهر يروه من اديه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

شجاني وتيهيت الراي. ...مرتاه
وصفه بحلگي العسل حنيور. ...مرتاه
اعجيز وابني يمشي بكيف. ..مرتاه
اعله ساعه وللرصيف يروح بيه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

مته يامن سمه الله اعليك تربه
معي ابنفس السلف والكوخ تربه
هبل (هبل) قنعته يسجد فوك تربه
ولاقنعت ابوك اتصير اليه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

حديت ومن حديت الضهر حدبيت
بطريج المامش بمدفاه حد بيت
انكسر كل حيلي حين وصلت حدبيت
الشتلني بگاع صبخه وگطع بيه

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

المدامع من مسحها اثگلت يردان
علي والعافية من اعضاي يردن
جروح معتبرات ومني يردان
حيل وانا ما ضَل حيل بيه ​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

مو هذا البدايه وانت قبله

واليقبلك من جبينك وانت قبله

صرت صومي وصلاتي وانت قبله

وفرض سادس صرت انت عليه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

المصايب غيرن بينه شكلنه
بليل الامس مانذكر شكلنه
جينه الوكت تشكيله..شكه النه
كال انصبت من زود البليه​

 

[مـــجيـّدالسيــــد]

رد: # # حضوركم بأبوذية تروق لكم ،،،،،***

وحك هموم البصدري .. والاكراب
الماي بغيبتك صدك .. ولك راب
الي رب اليصبرني .. وألك رب
اليفجعك بالعليهم خنت بيّه
​

 

[قوافي]

رد: # # حضوركم بأبوذية تروق لكم ،،،،،***

سالفه عجبتني وبيها بيت ابوذيه
هذا اكو شاب گاعد اباب الحوش وفاتت حبيبته الاوليه هي وياها زوجها وابنها هو ظل يباوع عليها لأن صار اهواااي مفارگها ....
المهم دخلو لبيت اهلها وره اشويه طلع الولد ابنها يلعب باالباب صاحله ونشده گله عمو أنت شسمك گاله اسمي... علاوي طلع مثل اسم الشاب حظنه وباسه وشاله ألفين دينار وانطاه وگاله اذا نشدتك أمك گوللها هذني الفلوس من عمي الگاعد باالباب............وهو گاعد كال
أظل بهمومي اطويلك وألف لك
واظل للدوم يحبيب ...........ولف لك
يعليوي هذآ ألف لامك.والف لك.
ثمن نسمة هواها المر عليه​