# # حضوركم بأبوذية تروق لكم ،،،،،***

[رمااد اانسان]

رد : # # حضوركم بأبوذية تروق لكم ،،،،،***

چـذب عيني تحب غيرك وأبد لا
ثـوب أمفصل ألطــولك وأبــد لا
أگص گـلبي أذا عافك و أبــد لا
و أبدل أضلوعي أذا شكيت بيه

 

[حنان البصرة]

رد : # # حضوركم بأبوذية تروق لكم ،،،،،***

رحت والشيب من فرگاك هل بان
عله راسي و نزل بجَلاي هل بان
عفتني و گلت للشمات هل بان
مشيت بصفي ما مريت بيه

 

[حنان البصرة]

رد : # # حضوركم بأبوذية تروق لكم ،،،،،***

ليالي الخير عني اجفلن بطّن
وهمومي ثكال بيهن وزن بالطّن
حظ او ركس ياهالناس بالطّين
اشيطلعه والخلك شمّات اليّه​

 

[حنان البصرة]

رد : # # حضوركم بأبوذية تروق لكم ،،،،،***

رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه

 

[رمااد اانسان]

رد : # # حضوركم بأبوذية تروق لكم ،،،،،***

خرايب ذاك لمشنشل دلالاي
شيعني البوم لليمرگ دلالاي
بعتهن صفر من عوزي دلالاي
على نفس الگهوچي الچان إليه

 

[رجل المستحيل]

رد: # # حضوركم بأبوذية تروق لكم ،،،،،***

أمر بديار روحي ما تمرني
وحيد ويا حسافه ما تمرني
اذا بالمنتدى يمك ما تمرني
باجر من اموت شلون بيه

 

[حكاية روح]

رد: # # حضوركم بأبوذية تروق لكم ،،،،،***

ليش أشتاك؟ للما عندة حنية
.
.
.
.

 

[رمااد اانسان]

رد : # # حضوركم بأبوذية تروق لكم ،،،،،***

ترف عودك حبيبي فدوه لله
تحاجيني وصيحن فدوه لله
اذا أنت قسمتي فدوه. لله
أحـــس ربي صدك راضي علية

 

[مهندس الاحساس]

رد: # # حضوركم بأبوذية تروق لكم ،،،،،***

اشنفعني الجو يصاحب من خلالي
اخذ اهلي واخوتي من خلالي
جثيرة اذيول عبرت من خلالي
الزلم واشباها عبرت عليه

 

[حكايا الورد]

رد: # # حضوركم بأبوذية تروق لكم ،،،،،***

ويلونك حيل محتاجه
اجيك بواهس ام عريس
وارجع شايل جنازه !!!!!