# # حضوركم بأبوذية تروق لكم ،،،،،***

[رمااد اانسان]

رد: # # حضوركم بأبوذية تروق لكم ،،،،،***

امش مملوح غيرك .. يمشي فاهي
وعجز يوصل الوصفك .. يمشفاهي
لون تدنة شفاهك .. يم شفاهي
الزك من تحط جيلات بية

 

[جنون العاطفه]

رد: # # حضوركم بأبوذية تروق لكم ،،،،،***

عشرتي وياك مايذبل وردها
ودمعتي توصل الرمشي وردها
روحي الك بستان وقطف وردها
اخذ الورد وعوف الشوك اليه

 

[رمااد اانسان]

رد: # # حضوركم بأبوذية تروق لكم ،،،،،***

وحك نبع الحزن والشعر عريان
اليجي للدنيا والي يروح عريان
صرت عكازة وحده وبيد عرجان
وصرت ياهو اليكضني يكول اليه

 

[جنون العاطفه]

رد: # # حضوركم بأبوذية تروق لكم ،،،،،***

كاس السم اشربه وانت كاسه
واذا عوفك خساره وانتكاسه
واذا اشارك بدوري وانت كاسه
اشيلك لو جنت خسران ميه

 

[رمااد اانسان]

رد: # # حضوركم بأبوذية تروق لكم ،،،،،***

وثيقة بكل فخر كلبي .. وثقلاك
جبل ما شفت باخلاقك .. وثقلاك
الك يرخص دمع عيني .. وثق لك
الكلب لمن يدك يوكع بدية

 

[جنون العاطفه]

رد: # # حضوركم بأبوذية تروق لكم ،،،،،***

شعاع الشمس بخدودك تلاله
وجم قارئ نغم حسنك تلاله
المصيف وسهله وجباله وتلاله
يروحن فدوه لعيونك هديه

 

[رمااد اانسان]

رد: # # حضوركم بأبوذية تروق لكم ،،،،،***

هاك اشعل كلب كلبي .. ووج هاك
على حالي راح اعلمنك .. ووجهاك
بشالك من تلف شعرك .. ووجهاك
تلف روحي مثل لفة المنية

 

[جنون العاطفه]

رد: # # حضوركم بأبوذية تروق لكم ،،،،،***

اسم الله ع روحك ي بعد روحي

افز من يكبل وليفي وفر بي
واشبكه من فرحتي اركض وفر بي
اذا بالشته وهوه بارد وفر بي
احس تموز حضنه يصير اليه

 

[رمااد اانسان]

رد: # # حضوركم بأبوذية تروق لكم ،،،،،***

تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية

 

[رمااد اانسان]

رد: # # حضوركم بأبوذية تروق لكم ،،،،،***

تحن الروح كلساعة .. ترف لاك
ومشيت وظلت عيوني .. ترف لك
اذا ما جيتني الليلة .. ترة أفلاك
اسوي وجاينة انصب علية