# # حضوركم بأبوذية تروق لكم ،،،،،***

[mohammed.shams]

رد: # # حضوركم بأبوذية تروق لكم ،،،،،***

الكلب ظل بس وحدة ورباه
يتيم ومالة احد ورباه
منو المثلي اخذ جرحة ورباه
وكبرنة اعلة القهر احنة سوية

 

[mohammed.shams]

رد: # # حضوركم بأبوذية تروق لكم ،،،،،***

الوادم تنضر الجسمي يروحاي
وانة موتاتي سكتة يروحاي
ليش وبالعجل طحتي يروحاي
خلص صبرج يروحي وخنتي بية

 

[mohammed.shams]

رد: # # حضوركم بأبوذية تروق لكم ،،،،،***

سجاجين الوكت بالروح بردن
وحس الجسم وكت الصيف بردان
انا بردنين رحت وارد بردان
واخاف الغربة تاخذ حتة ادية

 

[mohammed.shams]

رد: # # حضوركم بأبوذية تروق لكم ،،،،،***

يا دنيا شما عندج سهام وجهي
واذا السهم غير اتجاهه وجهيه
باوعت بالمرايه شف وجهي
دنك ماحمل ظيم فركاكم عليه

 

[mohammed.shams]

رد: # # حضوركم بأبوذية تروق لكم ،،،،،***

احبك وعتذر منك وناسف
وجمال بوجهك يدوخ وناسف
احط بصدري تينتي وناسف
وفجرهه بس تزعل عليه

 

[mohammed.shams]

رد: # # حضوركم بأبوذية تروق لكم ،،،،،***

بدي ابكيفي اطشرنك ولمك
ولا ابوك العلي يلحك ولمك
اذن من حقي اني اعتب ولومك
عليك اعتب لانك خنت بيه

 

[mohammed.shams]

رد: # # حضوركم بأبوذية تروق لكم ،،،،،***

اريد الزم اخديدك وشتمنه
واريد العن ابيك وشتمنه
تدري اشراد كلبي وشتمنه
على صدرك اموت وهاي هيه

 

[mohammed.shams]

رد: # # حضوركم بأبوذية تروق لكم ،،،،،***

سهول الناس عندي وانته راسي
سفن غركت ابحري وانت راسي
اخويه انته وصديقي وتاج راسي
واعز منك ماكو عليه

 

[mohammed.shams]

رد: # # حضوركم بأبوذية تروق لكم ،،،،،***

المحاسن كلهن التمن واجن بي
وكلبي من الولع ملهم وجن بي
حبيبي من تجي يمي وجنبي
احس الدنيا كلهه بين ايديه

 

[mohammed.shams]

رد: # # حضوركم بأبوذية تروق لكم ،،،،،***

معاد الناس كلهم وانته اصلي
مثل غصن بفروعك وانته اصلي
راح اوكف ابابك وانته اصلي
وكل طلقه التجيني ضماد اليه