سوالفنـا عراقيـة .

[حنان البصرة]

هههه
من غير بحث وتنقيب

اعتقد
الغليجه هي مثل عباءة الرجل
والكَيظ الصيف الحار
والبحث تمن بالحليب
والعرموط معروف
والمعنى بيه حسجه على ما اعتقد

يارب تفسيراتي صح.

لا استاذ جوابك مكامل اريد شنو يقصد مع العلم الغليجه مو العبايه

 

[حنان البصرة]

في منتصف اي حوار عائلي يتم طردي نظرالحكمتي الزائده

 

[حنان البصرة]

انا من تكحلت فأحكمت حدود عينيها ..

 

[K E M O]

‏ما أحب اتسرّع علمود ما اتخذ قرارات غلط، احب أكعد وأفكر واخذ القرار الغلط بقناعة

 

[madness man]

عبد الرضا النجفي رحمه الله يقول



عدلين ميتين يمك ياعلي

 

[رمااد اانسان]

(الغيمة الثجيلة) للتوضيح (بالعامية)
قبل جان راعي الغنم من يطلع يسرح بالحلال
والدنيا صيف وحارة واكيد من راح يطلع ع ارض صحراء(جول) لا ماي ولا اي شي يحميه من حرارة الشمس
مكرم السامع يوگف الحمار(الجحش) اجلكم الله
ويكعد بصفه الراعي حتى يصير ظل (في) يحميه من الحرارة
فـ الراعي يگله اول عفية اول حيو الغيمة الثجيلة
والناس عبالها الخوش زلمة يگلوله هاي التسمية
فـ عاد لا عالرايح والجاي ناشرين وكاتبين
حيو (الغيمة الثجيلة)

 

[رمااد اانسان]

اكو شايب من ربيعتنه يكَول سنه من السنين أجو لمنطقتنا جماعه (الكاولية) وذول الكاولية لا وطن عدهم ولا كَاع ينتمون ألها، يوميه بمكان وكُل سنة بديرة، وما عدهم شغلة غير شغلة الركَص والغنا... يكَول من وصلوا لمنطقتناونصبوا خيامهم خارج المنطقة وكَاموا الناس بمساعدتهم ونصبوا الهم مسرح كُلش چبير..
ومن بدء العرض مالهم الناس كَعدت على شكل دائرة والمسرح بالوسط، والشباب الكبار منعوا الأطفال أن يكَعدون ويه الناس ويباوعون وهم يركصون، وبِدن الكاوليات بالركَص وكل وحدة منهن حاطة بأصابعها (چنبارات) تدك بيهن وذني الچنبارات يطّلعن صوت كُلش حلو، وچانت ملابس الركَص مالتهن محتشمة ( الشهاده لله ) تغطي كل جسمها، وچانن يخلن قطعة قماش من الحرير على رؤوسهن بلون الثوب اللي يركَصن بيه لان (الغاية تُبرر الوسيلة)...
كانت الغاية من غطاء الرأس، إذا واحد من الزلم (الزواحف) شاف وحدة وعجبته من ذني الكاوليات اللي يركَصن ورادها تكَعد يمه يكَوم هذا الكائن الزاحف برفع هذا الغطاء مقابل 20 فلس, وإذا وكَع الغطاء من على راس الكاولية، تاخذ العشرين فلس وتجي تكَعد يمه، يكَول بذاك الوقت العراق چان مُحتل من قبل الأنكَليز، وچان الجيش الأنكَليزي بيه جنود هنود وباكستانيين، يكَول صاحبي بذاك اليوم چنت بالخامس أبتدائي أخذنا الفضول أني وجماعتي ورحنا للمسرح وبقينا واكَفين نباوع من بعيد، نخاف من أهلنا ومن المعلمين إذا شافونا يسوون النا مشكله، وبدت الكاولية تغني وصوتها كُلش حلو والأحلى منه البَحه اللي بالصوت، لكن آني تفاجأت لأن الكاولية چانت تغني أغاني وطنية وحماسية وتطلب من الناس أن تدافع عن العراق وتطرد المحتلين الأنكَليز منه، وچانت كلمات أغانيها تلهب المشاعر وتبث روح الحماسه في النفوس، نسيت أكَللكم الحفلة چانت بسنة الـ 42 يعني من وره ما مات الملك غازي, وچانت كلمات أغنية الكاوليه
تكَول ..
اگعد يا غازي وشوف طبوا وطنه...
سوجر وكركه وسيخ ما هم مثلنه...
يكَول جانت كلمات الاغنية تدخل الكَلب وتشعل الروح الوطنيه ...

تريد الصدك أني بقيت أفكر بهاي الكاولية، اللي ما ألها وطن ولا ألها كَاع، حتى جنسية مثل الناس ما عدها، چانت تشعر بالوطن وبمعاناته تحت الاحتلال وهذا شعور وطني ما إله مثيل ...

بشـ ـرفكم الكاوليه مو اشـ ـرف من الذيـول والتبعية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[رمااد اانسان]

سالفتنه اليوم وهي حقيقية حصلت بهذا وكتنا
يگول
اكو ولد عشگــلـه ابنية حبها حب شريف مثل عشگ اهلنا الاولي مابي دغش ولا امزاغل. وده ناس وده ساده وده اشيوخ ابوها عاند وعصه مانطاها چي دره بيها اتحب الولد ..
وتعرفون اكو ابهات وامهات تقاليدهم همجية عدهم الحب جريمة عايشين بالعصر الحجري مايرضون المرأة تشوف قسمتها وتختار طريقها ومايرضون واحد يجيهم من الباب يردون ابنادم كون يطفر من الحايط والشباچ يلا يرضون بي ...
ماطول عليكم السالفة.. ابوها عكرة مارضه گلها اتموتين وماتاخذينه !
بويه عدل بدل گلها ماكو... رجعت الابنية للولد گالتله ..
_هيچ ابوي ايگول انت بعد شوف طريقك وكلمن يروح ابحال سبيله..
المهم عافو بعضهم بس عوفتيش راحو چنهم اجنازة كلمن دمعته ابعينه چن شياب يمشون اعلى عكازه مات حلمهم الوردي ونگطع خيط الامل تفارگو شهر وبعدها حـبـيـبـتـة ماتحملت
ودتله رسالة كاتبة بيها..
_اشلونك ؟
گلها..
گامو هلي ايتچون بية اعله المخاد..
مر شهر ولعباس ماضايگ الزاد..
انتي شلونچ؟
گالتله ..
ترسو رگبتي احروز من گتلك انعيف..
عل العله ماوگفوش سادة وكشاشيف..

گلها ..
گمت ارفس ابفرگاچ رفس الذبايح ..
وابتلت بيه الناس كل ساعة طايح…

گالتله..
شل حيلي شل فرگاك كلش غده اتراب..
ازحف سبع تيام يلا اوصل الباب..
منقول

 

[حنان البصرة]

هذا اذا عضك لاتلومه هو اعرف بمصلحتك ههههههههههههههههههههههه




مشاهدة المرفق 176564

 

[رمااد اانسان]

الي جان يشرب الصبح حليب بجاي هذا من الطيبين ..
الي جان يكتب بورقه و يلصقها على ظهر صاحبه مكتوب عليها“حمار للبيع” هذا من تجار الطيبين ..
اللي جان يمشي وهو مغمض عيونه حتى يشوف حياة الأعمى هذا من حكماء الطيبين ..
اللي جان يسوي خيمه من المخاد والشراشف .. هذا واحد من المخيمين الطيبين ..
اللي جان يسد باب الثلاجه شويه شويه حتى يشوف الضوء وهو يطفي هذا من المكتشفين الطيبين !
عوفني و اعوفك: عركه الطيبين!!
ماكو عمي خالي. هاي تهديدات الطيبين ..
ايام الابتدائي إذا رحت مع أهلك بيت ناس و تعرفت على واحد بكدك تسأله :
أي صفحة واصلين في ألقراءة ؟
يعني فاتح موضوع !! هذا ابو سوالف من راحوا الطيبين ..
اللي يتعارك ويه واحد و يكعد يقلد كلامه
هذا من الطيبين ..
#وللي ديقرا الموضوع هسة ويضحك
هًذّأِ اكيد يعرف نفسه أُنُهّ مٌنً الطيبين