شعر شعبي عراقي قصير

[آهات حالمه]

هاي ياغلطة التسولف بيها جاي ويا محبة؟اسف تكلها الشخص طخيت جَتفه
مو شخص دست اعله كلبه





حته تبقه
الدنيا مليانه موده
كلت احبك مرة وحدة
والعمر بس مرة وحده




شايفلك ابن ادم مرتين يموت؟
الكتاله هله ودفانته الغربه !!




تمنيتَك نجم كُل ليله أباوع بيك
‏وأضوج هواي لمَن تگرب الغبشة .






وحك من نام طول الليل والحاي
بياض الشيب غطه الراس والحاي
عليك ابروح كلمن مات والحي
تجي وتنصف چوادر حزن بيه ..





يأگلبَي يالمَا بيَك ظنهَ
اركِد وَلك مأمِش محَنه
لا بالغريَب ولأ بـ أهلنهَ..



مو شرط بحياتك تمشي ع الرجلين
المسافه البل بلم بيدك تمشيها
وضم منه اهتمامك لا تبذره بيوم
الضوه من ايزيد حتئ العين يعميها




جم اهلال هلن وانت ما هليت
جثيرة اعياد مرن وانت ما مريت
سنين الصبر حنن وانت ما حنيت
ترف ما حسبت بيه
وآنه وغربتي وشوكي
نسولف بيك ليليه
نكول يمرنكول يحن
وتظل عيونه ربيه يلمامش الك جيّه .

 

[الرااااكد]

طرح قيم ومميز
سلمت يدااك لاخلا
ولاعدم اخت آهات

 

[رمااد اانسان]

اختيار موفق يستحق الشكر والثناء
يسلمووو على النقل والمجهود
أرق تحية طيبة

 

[آهات حالمه]

اسعدني وشرفني المرور العطر
كل الود والتقدير