- إنضم
- 5 أغسطس 2019
- المشاركات
- 125,575
- مستوى التفاعل
- 23,862
- النقاط
- 187
- الاوسمة
- 2
يهّي هل عين من دونك ولا تسوه
تطوف ابالي تالي الليل چم حوه
واتشهاك ع الفطره وارد اردود يم اسمك
وانده ريتي واندلك
يواهسها … ويملگه العافيه بروحي
يگمرة دربي لو الاگيك
اضل اطربلك بنوحي
واسولف كلشي ما مگيول يم بالك
واعارچ بلضوة ليدنه لخيالك
يكحلة عيني بيه الشوك يترسله سنينة ناس
صلو كل صلاة الله
ينگدة گلبي بس مشتاگ منك چلمت اسم الله
تعال بداعت الحيل الغفه بروحي
تعال وشوف شنهي ينزفن جروحي
ترا انذليت
حتى حچایتي تذلني
اريدك كون تعتگ بيه تندلني
واسير وياك
حسبة روجه متبديه إعلى جرف الشط!
نرسم بي سمار وهو لمعه يحط
شمتاني
دهد حرورة الملگى
وخلها تهيد
ثلمة واهسي الخفگه
هو الليل ما مخلوگ بس ظلمه
كون البرد يكسر ديرة الحرمه
ونطش الحچي الخدران فوگ الغيم
وبكسرة فجر بضلوعنا نضمه!
بس يا حيف ما ترجع صرت چلمه!
وانا انسان يكشخ ع الصدگ لو سولف بحلمه
عمار العبادي
تطوف ابالي تالي الليل چم حوه
واتشهاك ع الفطره وارد اردود يم اسمك
وانده ريتي واندلك
يواهسها … ويملگه العافيه بروحي
يگمرة دربي لو الاگيك
اضل اطربلك بنوحي
واسولف كلشي ما مگيول يم بالك
واعارچ بلضوة ليدنه لخيالك
يكحلة عيني بيه الشوك يترسله سنينة ناس
صلو كل صلاة الله
ينگدة گلبي بس مشتاگ منك چلمت اسم الله
تعال بداعت الحيل الغفه بروحي
تعال وشوف شنهي ينزفن جروحي
ترا انذليت
حتى حچایتي تذلني
اريدك كون تعتگ بيه تندلني
واسير وياك
حسبة روجه متبديه إعلى جرف الشط!
نرسم بي سمار وهو لمعه يحط
شمتاني
دهد حرورة الملگى
وخلها تهيد
ثلمة واهسي الخفگه
هو الليل ما مخلوگ بس ظلمه
كون البرد يكسر ديرة الحرمه
ونطش الحچي الخدران فوگ الغيم
وبكسرة فجر بضلوعنا نضمه!
بس يا حيف ما ترجع صرت چلمه!
وانا انسان يكشخ ع الصدگ لو سولف بحلمه
عمار العبادي
