((قصيدة احنه هيبه))

[آهاات حالمة]

((قصيدة احنه هيبه))




احنه هيبه
نسرج الليل اونغير اعلى الحزن
انفرهده كله اونجيبه
احنه من راس القدر ناكل اهموم
اونطلع ابحصة اسد من كل مصيبه
احنه اعمى الينتظر عيسى المسيح
عمت حتى اعيون صبره
اوراح دگ روحه ابصليبه
احنه طفلتنه عجوز....لان لعبتهه النواعي
الراح يابويه اشيجيبه.... الراح يابويه اشيجيبه
بويه ماگصيت موده ....آنه گصيت الگصيبه
احنه جاهلنهه وقور ... امرورة الگهوه ابحليبه
اترضعه امه اوهيه تبجي
الدمعه تنزل عالشعر تنگلب شيبه
اوبينه طيبه
انفضل الموت النعرفه..على الطعنات الغريبه
دوم ندعي اعلى الذبحنه ...اودوم نحجي اعلى الجرحنه
ندعي نحجي اومانصيبه
لان نتلفظ وراهه...الله لايجعلهه غيبه!
لو تشوف ابراج حضنه اشگد عجيبه
الحمد للله البرج عالي...بالحجابات المريبه
اوطائره تفتر عليه
تاخذه الموته اوتجيبه
نقره طالع
(آنه الك يعدوي طالع)
عايف اطفال اوحبيبه
العمر وحشة مواضع....خلص بالفيلق الرابع
ونكتب باتعس كتيبه
وابتسم بالبرج حضنه
انتهت فتره عصيبه
سوف ياتيك نطاق.. اوبدله خاكي
مع بسطال اوحقيبه
سوف تدخل طرف في كل الحروب
اويندفع دمك ضريبه
اطمئن وارتاح واصبر
موتتك صارت قريبه
موتتك صارت قريبه
​

 

[MS.Shaghaf]

رد: ((قصيدة احنه هيبه))

راقت لي كلماتك من أول عنقود لآخره



دمت في حمى الرحمن



تقبل وافر أحتراماتي

 

[آهاات حالمة]

رد: ((قصيدة احنه هيبه))

شكرا غاليتي ع المرور
نورتي الموضوع
ودي والتقدير

 

[قيصر الحب]

رد: ((قصيدة احنه هيبه))

كل الشكر والامتنان على روعهـ بوحـكـ
..
وروعهـ مانــثرت .. وجماليهـ طرحكـ

 

[فتنةة العصر]

رد: ((قصيدة احنه هيبه))

ابداع ولااروع
تسلمون وايد وايد