قفشات (شـعريــه) عــــراقـــيه

[رومانسي بس منسي]

رد: قفشات (شـعريــه) بــصــراويه

تعابيني بحجي الواشين والنوم
وانا والله ونيني اعليك والنوم
شوف الجسد مني ركد والنوم
حاربني وفلا يعتاد اليه​

 

[رومانسي بس منسي]

رد: قفشات (شـعريــه) بــصــراويه

الك جم ذنب ودموعي محنه
ونسبت وبعد ما توصل محنه
كلبي يفيض لوصالك محنه
وشيصبر الحنينة اصبح سجيه

 

[رومانسي بس منسي]

رد: قفشات (شـعريــه) بــصــراويه

[marq="error"]علامك تصد عن عتبي وتلهاي
او اراك امولع بخصمي وتلهاي
ولك نارك خذت كلبي وتلهاي
لها روحي اول لهبها محيط بيه[/marq]

 

[رومانسي بس منسي]

رد: قفشات (شـعريــه) بــصــراويه

[marq="error"]

الهيبه بس الك ربك وهبها
انسام الخير من وجهك وهبها
امر دارك يابو النخوه وهبها
شهم والطيب الك صاير سجيه​

[/marq]

 

[رومانسي بس منسي]

رد: قفشات (شـعريــه) بــصــراويه

الكباحه دوم من اشفاك تنباع
ابفلس ما ظن بسوك الهرج تنباع
من حجيك غشيم الراي تن باع
وطلع كله دغش وسموم حيه​

 

[رومانسي بس منسي]

رد: قفشات (شـعريــه) بــصــراويه

الالم يتسلي بدموعي ويلها
واندل السكم روحي ويلها
وجعها آه من نزفه ويلها
كلبي والجفه انولدوا سويه​

 

[رومانسي بس منسي]

رد: قفشات (شـعريــه) بــصــراويه

انتهينا وايست منك وضعنه
وكل واحد منشي بدربه وضعنه
كضه وياك واتبدل وضعنه
امئيس واغسلت منك اديه​

 

[رومانسي بس منسي]

رد: قفشات (شـعريــه) بــصــراويه

​

العاذل غير اطباعك ولاشاك
وتخاصمنا وصرت خسمي ولاشاك
الذهب غيرك على احبابك ولاشاك
وخصام انكلب كل ودك عليه​

 

[رومانسي بس منسي]

رد: قفشات (شـعريــه) بــصــراويه

يباري المرض هد حيلي وهدني
ولايوم ابتعد عني وهدني
ارشدني الرحمتك يارب وهدني
طريح افراش والعله خفيه​

 

[رومانسي بس منسي]

رد: قفشات (شـعريــه) بــصــراويه

الواحد ما يصير اثنين بالقيد
ولا عندي حجي العذال بالقيد
دخيل اليسروه للشام بالقيد
يلين المايحن كلبه عليه​