قفشات (شـعريــه) عــــراقـــيه

[رومانسي بس منسي]

رد: قفشات (شـعريــه) بــصــراويه

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه​

 

[رومانسي بس منسي]

رد: قفشات (شـعريــه) بــصــراويه

كاس المر جرعته وانتحر بي
قلبي انت ملكته وانت حربي
افجر اليحبك وانتحر بي
لان مخصوص حبك بس اليه​

 

[رومانسي بس منسي]

رد: قفشات (شـعريــه) بــصــراويه

صب دمعي على الوجنات ياهل
أوماتدرون بيا اشصـار ياهل
صرت عصفور جني بيـد ياهل
أهـو يــلعب وانــا اشنون بيه​

 

[رومانسي بس منسي]

رد: قفشات (شـعريــه) بــصــراويه

لويت الدهر مافد يـــوم حنيت
وديا من دموع العين حنيت
ييمه اوداعتج هالـيوم حنيت
أوشلت نار الدمع بجفوف أديه​

 

[رومانسي بس منسي]

رد: قفشات (شـعريــه) بــصــراويه

أنا ابميزان الهوى عاني كفاني
أوحي لاتحسب العاشق كفاني
أناتبت قلت الدي بـيا كفاني
أنا شجاني اوعاودة سوده عليه​

 

[رومانسي بس منسي]

رد: قفشات (شـعريــه) بــصــراويه

شهر سيف الهجر ضدي وسله
نساني اوراح وي غيري وسله
عنب ماحصلت منه وسله
طلع ذيب أوكتلني اربـات إديه​

 

[رومانسي بس منسي]

رد: قفشات (شـعريــه) بــصــراويه

وسفه الدهر شتتــكم وطركم
حسافه ماكـضه منهم وطركم
بذجركم هذا انه اهذي وكركم
يعيد الله شتتـــكم جمع ليه​

 

[رومانسي بس منسي]

رد: قفشات (شـعريــه) بــصــراويه

تبنا من العشق واردود عدنه
وحسبنا اسنين مره وتــاه عدنه
أهوايه بالسلف حلوات عدنه
لون روحك صدق خضره وطريه

 

[رومانسي بس منسي]

رد: قفشات (شـعريــه) بــصــراويه

زماني جرد اســيوفه وسنهه
عليه اوحرمــت عيني وسنهه
وحق اللي فرض خمسه وسنهه
بعد هيهات عيـش ايصير اليه​

 

[رومانسي بس منسي]

رد: قفشات (شـعريــه) بــصــراويه

يحادي روعت قلبي بلحداي
يخايب لفني وياهـم بلحداي
اون طول الدهر حتى بلحدي
على الساروا وخلوني شجيه​