قوافي الشعر الشعبي

["شہــاه زنـــان"]

رد: قوافي الشعر الشعبي

:
:
:
احساس و #شاعر بحسنك [ خيالاه]
مهره شفاك والشامت [خيالاه]
ليش #بعيد
مر #العيد
بعدك نصفگ احنا هموم
#إيد_وتصفگ_بلا_إيد
هاك الروح
#وسط_جروحي_تلگه_جروح
تخيّل هاك يمته أنساك*
#بين_احضاني_واحلم_بيك
چا شيصير لو طوّل علي فرگاك
الك #حنيت*
ترد #للبيت
لو ها هية وك إمشيت
مشى بس ترك بحضاني [خيالاه]
علي ما حن خياله الحن علية
للمبدع #علي_المحمداوي

 

[آهاات حالمة]

رد: قوافي الشعر الشعبي

كلي ليش ..

كلي ليش معاتب طيوفك برد
كلي ليش ذبلن الجلمات لو طكن ورد
كلي ليش الطيف شو ما بي ملح
وجانن الدمعات فوك الخد صلح
كلي ليش شوكك يروح ويرد
يا رفكت الليل ينشد والسوالف والضوه
عنك ويامن مشيت وين تشتم يا هوه
هاي قسمة حظنه لا مو قسمة الله
جنت تمدح بالقطار وحسبت مو منها لله
يالشتلت بعيني شوفك وين ماخذ يا درب
ازكي بوشالت صلاتي وخضرت بعيوني رب
يا مواعيدك جزني ولا شفتهن
جلبت بيهن خضار وجفي كاع ولا يهدهن
كلي ليش شوكك يروح ويرد


.....................



للشاعر عباس الغالبي ​

 

[آهاات حالمة]

رد: قوافي الشعر الشعبي

ذمني ذم المستحه ولا نكت زيجه
ومر على اسمي بشيمتك..
مثل اللكز رمحه بصديجه
وجور ..وكتي وياي جاير ..
والعمر تيه طريجه
وتاه يتخطى الليالي
وناب المعاتب رفيجه
ينافر ظنون المحبه ويفرز من الضيج ضيجه
جالعاكه وهواكم ماي ما يطفح غريجه
وضاك لوعات الندامه ومره ليله تكود ليله
تنام حتى جروح كلبه ويكظي ليل الله على حيله
مكالب وليل التجافي يريدله بتوت التشيله
بهيده يل ما راد يوفي وما عرك وجهه لجبيله
بهيده مو كلمون يلوج من الوجع مصيوب جيله
وموش للميت يهه بعين مشفج ينبجيله
لاجن وذمك تعده وجلمة الصاحب ثجيله
خشنت كلبي الشفاكه وهدت من الحيل حيله
وسايلت لا طيف ردك
لا طرت على البال ليله من العمر
وانت وي عمري ومنجلك يطوي بكصيله
وطالعت روحيبجحيلك وانا احس بالدم صليله
سموم واتشايم واموتن موت مذعن واعتنيله
يعيل حد الاخ واصبر للصبر والهب وشيله
مولعه الروح بعذابك
يغدي عنها وتعتنيله
وحيف بجفوفك جتيله
وحيف روحي تموت غيله
وحيف يابو الحيف روحي ما تذل
تصبح ذليله
تخوط بشطوط الشفاكه
وما درت كلفه وغميجه
وصفت جالعاكه وهواكم
ماي ما يطفح غريجه

...................

للمبدع عريان السيد خلف
​

 

[♥صآٍحًبُ آٍلّوَسآٍمـٍة♥]

رد: قوافي الشعر الشعبي

سيدتي ..
تريدين.. أو لا تريدين..
إن الأنوثة من علم ربي..
ولو كنت أملك خارطة الطقس،
كنت قرأتك سطراً.. فسطراً
وبراً.. وبحراً..
ونهداً.. وخصراً..
وكنت تأكدت من أي صوبٍ.
تهب رياح الجنوب،
ومن أي صوبٍ، تهب رياح الشمال
وكنت اكتشفت طريقي
إلى جزر التبغ، والشاي، والبرتقال..

تجيئين .. أو لا تجيئين..
إن القضية لا تستحق الوقوف لديها طويلاً..
ولا تستحق الغضب..
لقد أصبح الماء مثل الخشب
لقد أصبح الماء مثل الخشب
وكل النساء اللواتي دخلن حياتي
أتين.. ورحن.. بغير سبب!!

 

[آهاات حالمة]

رد: قوافي الشعر الشعبي

كـلت ملـحـك بـجـرحـي وغـزر ويـاي
واكـلت سنيـن عـمري ومامـضن بيك
الله انــطــــــــاك عــمــــــري وعــشـــــت ويـــــــــاي
وي غــيـــــري شـتـضـــــن هــــــم الله يـنـطـيــــــــك
جنـطـة سـفر دمـعي ومـاخـذه وياي
خلـص بـأول محـطة كَبـال طـاريـك
علـيك مـخـلي بالي وخاف فـد يوم
تبـرد بيـة حـاسب بـيـش اغـطـيـك
انـه مـوصـي الجـروح يـلبسن ثيـاب
مـو لاجـل الـستر بـس خـاف امـر بيك
اكــو حضنة مـلاكَـة وحـضنـة وداع
ياهـي تـريـد منـهـن مـن ألاكَـيـك
خـلّـص مـاي وجـهي شطـلعت وياك
واكَـللـهم جـنـت عـطشان اوديـك
ارسمـك ملتـفتـلي وتـطلع اوهـام
مـلامـح وجـهي مافـهمـت معـانيك
بثـكَل جـرحك كَبـل خطـواتك ويـاي
شنـي شـو عالـزعـل خـفيت رجليك

....................
ْْْْْْْْْْْْْْْ
الشاعر الرائع ** علي رشم**
​

 

["شہــاه زنـــان"]

رد: قوافي الشعر الشعبي

اطالع صورتك بالبيت
ذكرت ايامك وحنيت
احاجي الصورة وابجيلك
واسولفلك واغنيلك
وحك فراكك انذليت
اخلص الليل بالكوة
ويلي فراكك شسوة
ذكرتك وانهدم حيلي
صفكتايدي وصحت ويلي
اموت اليوم اذا ماجيت
وحك فراكك انذليت ......المبدعها لبيد

 

[آهاات حالمة]

رد: قوافي الشعر الشعبي

انه بميلاد جرحي اليوم غنيت
او جبت جكليت بيدي وشمعه وحده
او سهرت الليل اناطر شمعتي اتذوب
اعد ساعات ليلي ودمعي اعده
على ضماد الجرح طشيت جكليت
او على اكتاره بدّي خليت ورده
او جبت خنجر هدية عيد ميلاد
وبجرحي الرطب بهداي احده
كتبت اسمك ابورقه او كلت موجود
اوجن اتكول صوتك يمي بعده
تهمسلي واكلك وين ماوين؟
ماشفتك حبيبي صار مده؟
من يوم الرحت وعيوني لليوم
طيف ابغيرشوفك ماتوده
خليني الك بعده النفس بيك
واذا ضدنه الوكت خنصير ضده
ولا تزعل عليه اوغيضك امحيه
والراح امنديك اليوم رده
حبيبي ارجوك مابيه احمل اعتاب
او باب الذكريات ارجوك سده
تره ابلياك عمري ايام محسوب
يوم براحه اعيش او يوم شده
سنه ولاما نسيتك دوم علبال
او غيرك من يجيني ابلحظه اصده
اوكلبي لغير كلبك مارجف يوم
ولو كلبك نساني اوصار نده
انه وانته حبيبي وعيد ميلاد
عساهه ماكضت هاي المسيه
اولوادري تجيني اليوم ورتاح
صدّك ماجبت خنجر هديه
جاجبت العمر والروح والعين
منيتهن بديك اجمل منيه
حبيبي اكبال عيني وليل وشموع
اواديه مافاركنهن ذني اديه
هم يلفي الصبح وبغيرك اكضيه؟
اواكول البارحه جنه سويه
لا ماظن بعد تتحمل الروح
سنه او فوك السنه تحمل اذيه
حبيبي انه ادري بيك ابغيري مهموم
او ادري ابكلبك اصبح مواليه
لكن موبديه الروح تهواك
او تفرح من تجي وتصير يمي
اوازيل اهموم عمري ابشوفتك يوم
احسن بيك ماي امن اعطش اتصير
او احس بمحبتك تجري ويدمي
سميتك حبيبي او اغلى الاسماء
ونته بكيفك شمتريد سمي
بعتني ابيوم وانه امناطر اسنين
وانه للحين اريدك تشتريني
خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه ستكه والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود
وانه ادري ابغيابك ماتجيني
اثاري الليل ذاك الراح حلمان
اوخيال الجان مابينك وبيني
.................

الشاعر علي زعيل الحسيناوي


​

 

[♥صآٍحًبُ آٍلّوَسآٍمـٍة♥]

رد: قوافي الشعر الشعبي

ابحث عنك مهما طال بي زماني.....
وأقول اني احبك دون ان ينطق لساني.....
فالحب في قلبي له اسمي المعاني....
والكل يعرف اني من دونك اعاني.....
من دون حبك كانت الدنيا اماني....
واليوم اصبح في عينيك عنواني....
احببتك وكان الحب لي مستحيل....
والان لا اريد لقلبك بديل....
وسأنتظرك مهما كان مشوارك طويل....
ولغير عينيك لن اقول الكلام الجميل....
من اجلك تعلمت ان اكتب الاشعار....
وفي وصفك امتلأت الدفاتر وجفت الاحبار....
ولم اعد اعرف....أهذا الليل ام النهار؟؟...
ولاجلك اعبر المحيطات والانهار....
اعشقك ان كنت هنا او كنت هناك....
احبك ولو كنت الي الان لم اراك....
ودون ان اشعر تعلق القلب بهواك..
فهل ستأتي ام سأذبل قبل رؤياك

 

[آهاات حالمة]

رد: قوافي الشعر الشعبي

صابحني بعتابك خل ترد روحي
ووهسني بدلالك يا شتل شمام
حته ازهك و اشوفك وينهه جروحي
بيه اشبع غرورك يا اعز جتال
يتمايل غنج لو بيه ثكل نوحي
تعاتبني علة حالك صار بيك الصار ؟
لك جا شتدل جروحي هاي و شتوحي
انا كبل حبك جبل ما لاح طرفي السيل
هسه اول زخاخ يغطن سفوحي
و بعدك ما روت يأسمر بعد روحي
و لا رادت و لا حبت و لا سمعت
و لا تحمل غناها بيوم لو غنت
كلي شلون بعدت عنها شلون ما جنت ؟
و عيونك بغير عيونها تهنت
و جفوفك بغير جروحها تهنت
يا تل الورد تل اخر السباح
حته اطفه من اشوف رويحتي انتلت

............
للمبدع عريان السيد خلف
​

 

["شہــاه زنـــان"]

رد: قوافي الشعر الشعبي

اسل سل الشمع واتناك ..!
وانتة عل يسل سالي
وتضل للطول تبرالي
مثل ظلي وعذاب جفاك
كل لحضة يتراوالي ..!
وازيحك من رفيف الروح
ما تنزاح من بالي ``
واعيش بحسرتك هايم
اشب نوبة بعذاب الروح
نوبة بلومة الايم ..!
واعظ اصبع ندم
يا هية ندمة شتنفع النادم
عفآني .!
شبية الك نابات ما ضلت كتر سالم .. #عريان_السيد_خلف