مساجله شعريه متنوعة

[♥ تـنآهيــد أُنـثـى ♥]

رد: مساجله شعريه متنوعة

مشتاگـلك شوگـي الك
شوگـ الورود لأيد عاشگــ
يجيسها بهيده
ويدغدغها بأصابيع المحنه
ويشم من عدها عطر..!

شوگـي الك...شوگـ الجدايل
غافيه بحضن الحبيب
تريد ليل الحب يطول
وتجفل من تشوفها عيون الفجر..!

؛
​

​

 

[عاشق الصمت]

رد: مساجله شعريه متنوعة

اني احبك خلي هذي ابالك
كون يمي وهسة اني اگبالك
راح ادوخك بالسوالف
مااعوفك والله حالف
اوف ياربي شأ سوي بحالك
اني احبك خلي هذي ابالك

 

[مخملية]

رد: مساجله شعريه متنوعة

راح اجازف وابدي احبك من جديد

وانه ماريدك تخيب ضنوني

وراح اجيلك حته تفهمني شريد

وحته اسجلك ويه اليفهموني

أنتَ جنت وياي دم ويه الوريد

ومن كثر ما احبك يحسدوني

ومو عنيد بحبك انه اكبر عنيد

ولذالك اهلي ما يردونـي

قصدي اريدك . وانتَ قصدك ماتريد

ليش امرت عيونك يصيدوني ؟

يامه گلولي حبيبك ما يفيد

ويامه عنك رادوا يبعدوني

هسه وينك ما اشوفنك بعيد

چا شگلهم هسه لو حاچوني .؟

وليش بالماي العكر گاعد تصيد ؟

وليش حملك باقي فوگ متوني ؟

ما أحبك . راح اعوفك شي أكيد

وراح أگلهم مات اذا سألوني

ولا تكَلي اهواك انه انساك اريد

واهلي ماحبك بعد وصوني .

وانه احبك بس اشوفك من بعيد

ولذالك راح اشيل عيوني....

 

[القنصل]

رد: مساجله شعريه متنوعة

وما كنت ممن يدخل العشق قلبه ***ولكن من يبصر جفونك يعشـق أغرك مِني أن حبّك قاتلي ***
وأنك مهما تأمري القلب يفعل يهواك ما عشت القلب فإن أمت ***
يتبع صداي صداك في الأقبر أنتَ النعيم لقلبي والعذاب له ***
فما أمرّك في قلبي و أحلاك وما عجبي موت المحبين في الهوى ***
ولكن بقاء العاشقين عجـيب لقد دب الهوى لك في فؤادي ***
دبيب دم الحياة إلى عروقي

 

[مخملية]

رد: مساجله شعريه متنوعة

شحلات الخوة لو صارت بالكَلوب
مو خوة حچي وگعدة ومصالح
وأكو خوة تصح بس ماصخة تصير
وأكو يزامط چذب والحيل رايح
أكو يفزع إلك بس هو چذاب
وأكو يشگ الچفن لو سمع صايح

 

[آهاات حالمة]

رد: مساجله شعريه متنوعة

راح ادفن سنيني الي عشتها وياك....
واكتب عالكبر ضاعت حسافه..؟

​

 

[لحن الرصاص]

رد: مساجله شعريه متنوعة

شحجيلك بعد ما ظل حجي الينكَال
اظن خير الكلام وياك مــا قــــله
لان اشما اسولف انته بيه تلوم
وعلى ابسط احجاية أتدور الزلــة
مو هيج العشكَ احسبها مرة وشوف
... وخل كَلبــــــــــك يدلك انته لـــتدله
راح تشوف زين وتعرف الموضوع
اليعشكَ صدكَ مـــــــــــا يجرح بخله
ممنــــــــون على جرحك هذا حظي وياك
وشكرا عالحزن و الاه والعله

 

[القنصل]

رد: مساجله شعريه متنوعة

شيعوضني الدمع واني الخسرته هواي
وعلى رمله امل كل عمري وشلته
انا الباكو نهاري ورحت ادوره بليل
وبالمسودن طبع ميعوف سالفته
على نفس الدرب ذبولي بس الصوف
حتى ارجع وكول اذياب ماكلتـــــه
وانه الماصبر والعطش ما وازه
دنت نفسه وذبح بالصحره راحلته
كلب ماجنه كلبي جني متبني
جرعته التعب مايوم دللتـــــــــه
طفل من ايده اكوده وهوه يمشي وياي
وعلى ضحكه بكهف للموت نزلته
انغلق باب الصبر كد ما ادك عليه
مو خالي كرم بس اني مللته
بعد ماهد سهم كون الطريده بعيد
مابيها فخر لو كول وصلته
وشفت عصفور ميت كل جرح مابي
حرت هاي المنيه شلون واصلته
شلت راسي وشفت بالشجره عش محروك
كلت هذا السبب والحركه كاتلته
ونفس موته متت والجسد لعد الروح
وحسرتي بجفن وبدمعه غسلته
سل سيفه الزمن هل من منازل صاح
اعزل ماخفت والزمن قاتلته
صح مالحته ابد لكن ملاني جروح
بس عندي المهم ماعفته قاتلته
بسك ياضمير الصار بيه هواي
بسك هالعمر مايوم جملته

 

[آهاات حالمة]

رد: مساجله شعريه متنوعة

تعلمنة الوفة وحنة بالكَمــااااط ..
والله وداعتك مو بالمـــداااارس!!!

 

[عاشق الصمت]

رد: مساجله شعريه متنوعة

وينك انته ؟
احجي لا تكضيهه سكته
الماضي عفته ..
خل اسولفلك عليه ؟
الموت شفته
المر جرعته
وكلت يمته ..تحن اليه
انت ما تدري برحيلك ؟
صرت اخرس
احجي صنته
صوتي بكته هذا كل الصار بيه
شلونك انته ؟