أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

آخ اشگد احبنكم واجلكم
وگلبي انشلع من صدري واجلكم
أنه اتمنه يحين اجلي وأجلكم
بگبر واحد يدفنونه سويه

 

[mohammed.shams]

جفيت وخلفت بجفاك عبرات
ونيني وصل سابع جار عبرات
أنه الشاطر عليه اشلون عبرات
مشه وماچلبت بثنين اديه

 

[mohammed.shams]

شجاك شبيك لامريت لايت
وهاي الروح عگبك حيل لايت
يبو عيون الوسيعة تگول لايت
ضرير آنه دحط عينك عليه

 

[mohammed.shams]

==============
ونيني لاسنة بطل ولاعام
وسجني خاص الي وحدي ولاعام
أخبرك لا أخو ينفع ولاعم
بس الله العزيز يحن عليه

 

[mohammed.shams]

صفت شمس الضحه بالعين ظلماي
حزين ولا بقه بالعين ظلماي
أنه المظلوم محد عرف ظلماي
جفوني العشت وياهم سويه

 

[mohammed.shams]

حرت مابين أتاني ماأتاني
وعدد شماتي يمكن ماأتاني
انتظرته هواي تالي ماأتاني
ماريده بعد لو حب اديه

 

[mohammed.shams]

أون ومن ونيني اعضاي خوان
شجاني وماعرفت الوكت خوان
حسافة الچنت اعدهم إلي خوان
صفوا عدوان بعد الصار بيه
==============

 

[mohammed.shams]

الدهر بس البراسه اجنون يمنه
غدر بيه وبجاري الچان يمنه
ماتنتصر يسرة بغير يمنة
ولا يمنه وحدها اتحل قضية

 

[mohammed.shams]

الدهر أغضب عليه ودار وجها
وبنيرانه چوه احشاي وجها
صديقك لو زلف عالعدل وجها
مو بالعكس تحفرله ابهبيه
==============

 

[mohammed.shams]

جره دمعي على الوجنات ياحيف
على اللي مايقدر التعب ياحيف
آنه الچنت اخوف خفت ياحيف
ولذت بالچانوا يلوذون بيه