أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

اگطعت خيط الوصل عني والف لاك
ومثلي مايصح يشگر ولف لاك
بألف مليون مابيعك ولافلاك
عجب وانته برخيص تسوم بيه

 

[mohammed.shams]

صديقي ما أبدله بذهب لو مال
واصيرله سند للحمل لو مال
خاف تگول مني تعب لو مل
أضل اوياك لأخر نفس بيه

 

[mohammed.shams]

أجيت اطلب النخوة من نخوتك
لگيتك يمي حاضر من نخيتك
إذا يسألني سائل من أخوتك
أگولن إنته اخويه وهاي هيه
==============

 

[mohammed.shams]

أطوف لخاطرك وافتر بلادين
واعوم بحور دنياتك بلادين
أصبح كافر وأمسي بلادين
ولجلك خل توافيني المنية

 

[mohammed.shams]

أجيب السم بدية ولهمنه
على الناكر هوانه والهملنه
خل الفرح عندك والهم النه
المهم إنته سعيد وهاي هيه

 

[mohammed.shams]

==============
حظوظ الناس حلوة ماله حظنه
ومثل حسنك ياغالي ما لحظنه
كون اليوم شخصك مال احظنه
قسم إسنين ماهده من اديه
==============

 

[mohammed.shams]

وگع ميزاني بحبك والك دگ
وگلبي المايدگـ لحد والك دگ
جهازي اتصل من وحده والك دگ
لأن اثنينه انحبك سوية
==============

 

[mohammed.shams]

الشرب من ضاگ طعم اشفاك سكر
فقد وعيه وصعدله النوب سكر
بعت من حصتي گونيتين سكر
واخوط الچاي والشفة سويه

 

[mohammed.shams]

لاتظلم دليلي اياك واياك
انه انطيتك وچف الغير وياك
صدگ من عليه تهد وياك
أهد وافزع واطگ بثنين اديه

 

[mohammed.shams]

هاتعبني حبك هايذاني
دخت هاياصلاتي هايذاني
أگول التوبة ماحب هايذاني
أهد ذاني ويرد حبك عليه