أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

بصفگات وهلاهل ودعاني
وهو الكتل حبنه وادعاني
وده ابچي وانوحن وده اعاني
وده مايمر الفرح بيه

 

[mohammed.shams]

من همي الصخور اتموت واذيب
وعلي دنياي تجمع ظيم واذب
إبن آوه انجمع والضبع والذيب
اليطلع الشاة وينه البي حميه

 

[mohammed.shams]

برشا اسمه ذهب فضة ومسي
وصگار الريال ايتو ومسي
أصبح بس لهل برشا وامسي
واظل برشاوي لاخر نفس بيه

 

[mohammed.shams]

من جن برشلونة مو إنسته
والجمهور متعته ونسته
لزم طوبة لقه نظرة انيستا
وزرف الاشباچ بالضربة القوية
==============

 

[mohammed.shams]

ذكرت احبابي هالليلة وحنيت
وحنة خذت من دمعي وحنيت
صحيح العمر ماخذني وحنيت
أنه هذا وبگت روحي أبيه

 

[mohammed.shams]

مشه حادي الظعن بالعيس وحده
وگلبي شلون يگظي الليل وحده
اذا غيرچ أحب مجبور وحدة
إنتي اوياچ احبنكم سويه

 

[mohammed.shams]

نفس واحتاج شمك ياهوانه
العمر ذلة بغيابك ياهوانه
أتيه روحي يمك ياهو آنه
خيالك مرة دلاني عليه

 

[mohammed.shams]

تره الدنيه صفت مو دنيه بعداك
ولذت ياريت بالخوان بعداك
أنه امن اذكر الغربة وطول بعداك
أبچي الليل وانجومه علية

 

[mohammed.shams]

أصد وازعل وادير العين طبعن
لأن لچمات الك بالگلب طبعن
حلو وتنحب ولكن بيك طبعين
تشك وتغار من روحك عليه

 

[mohammed.shams]

لتظن نار گلبي اعليك تبرد
وبعد كل الحچيته اوياك تبرد
شوكت ماجيك بالسچين تبرد
دهاك اذبحني هو شضال بية