أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

باچر مِن يغنّي الليل
ويفزّن دروب الدمع والفرگة
مِن تسمع براسك وادم يشيعون
مِن تموت وحدك دمعة بين گبور
مِن يحچي الثلج وتخونك الشبگة
مِن يوگف بعينك ذاك المتانيك
مِن يصعد بروحك روح
مِن يگعد بصدرك والهوى يخنگه
مِن تشوف واحد من بِعد مكسور
لاتحتار!
هذا آنه المحمّل شوگ
اجيتك سنبلة مدنگة…

 

[mohammed.shams]

بطلّي المعاتب
يـ روحـي
وتوبي من كلـ شي وتوّضي..!!

لا الدنيا
ولا الوادم
انه سالفتي ويـه حظي..

 

[mohammed.shams]

اني ذاك الكاعد
متانيله صدفة تلمة بيك
اني ذاك الشاف
كومه وجوه حلوة
وگلبه مارف بس عـلـيـك

 

[mohammed.shams]

گمنه انّام ربع الليل
والباقي غنى ونحسب

هلبت طارش النه ايعود
ونّبطل بچي المغرب

شيّبنه ابصبى العشرين
حتى اخيالنه امحدب

 

[mohammed.shams]

ياگلبي دگلك ثايه

الوادم تراها تشيطنت يلنيتك مصلاية!!

مثّل وياهم من تحب واحسب لكل حجاية

گلهم نمت من العصر
مشغول والگالك عذر
الملهوفلك گله انتظر

بس تضعف يعوفك ترى اليركض وراك هواية ..

 

[mohammed.shams]

مدري شلون
فرهدني الوكت بگفاه
گلهن طلعن بگلبي
جبتهه منهد ذاك الشوف
كلهه سوالفي بعيني
عرفت سوالف الخرسان
چن غرگان من يسولف بچفه
مبين ذيچ روحي وياک
لو مريت تلچمهن

 

[mohammed.shams]

يگولون العجائب سبعه بالكــــــــون
عيونك ثامنه وشفافك التسعــــــــه
و يكولون الغرائب صارت هــــــــواي
بس انته غريب بخدك الشمعـــــــه
اشو كلمن يشوفك يصـــــــــرخ الله
نيزك ع الارض من قوة اللمعــــــــه
سبحان الصورك مو صورة انســـــان
وﻻجنك ملاك مين مخترعـــــــــــــه
اضن طينك عسل مومثل هذا الطين
لو من الكمر هالطين ومطلعــــــــــه
اريدك بس تجي احجايه ويــــــــــاك
دخيلك من تفوت اگليبي لتشلعـــــه..

 

[mohammed.shams]

وماندري النحبهم ليش يرحون ..
بينه الصوچ ؟ بيهم .. بـ اليحسدون ؟
حلم مرو علينه !
بوگتها شگد بجينه ..!
ماضلت بعد بـ وجوهنه عيون ..

 

[mohammed.shams]

شايف توالي الليل من تذكر هواك

ذاك العذيبي الهاب ما ينفع وياك

 

[mohammed.shams]

ما مزغر صاحبي بعين الغريب
و حته لو اعوج اكولن زلمة حيد