أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

يكول..
شالتك تسع شهور فلانة ابطنهة
ماذبتك بالكاع دوم بحضنهة

 

[mohammed.shams]

يرد...
شالتني تسع شهور شنهو استفاديت
اني وحبيب الروح كل واحد ابيت

 

[mohammed.shams]

جا عدلة منك هاي تنطي مكفاك
وأنا النفس مرات اتشاركة وياك

 

[mohammed.shams]

‏بعدني أشتاگ وادعيلگ !!

بعدني لهسه اغنيلگ

بعدني من اكعد لوحدي

مكان بصفي اخليلك

 

[mohammed.shams]

ﺷﻴﺮﺿﻴﻚ!!
ﻋﺮﻓﺘﻚ ﻳﺎ ﻧﻔﺲ ﺯﻋﻼﻥ
ﻣﻦ شح ﺍﻟﻬﻮﻩ ﺑﺮﻳﺘﻲ..

 

[mohammed.shams]

ضيمي من المهد كبّر .... وذنباي
بلاني وماعرف زلتي .... وذنباي
بعد ذنيج ماخلصن ..... وذنباي

 

[mohammed.shams]

عثر ظيم الله كوله وطاح...فوگاي
بچي وصريخ برزخ دار...فوگاي
واحد من اخوتي طاح....فوگاي
بالمغيسل واخذ ولفي من اديـه

#الكردي

 

[mohammed.shams]

اعد بيام عمري .. ونسه عدهه
اگولن وين عزهه .. ونسعدهه؟
عجيب الناس تضحك .. ونسه عدهه
بطر لو من سفاهه اضحكت هيه

#الكردي

 

[mohammed.shams]

شلت ليش الثقه وحطيت ....شك ليش
ورمح هجرك ابلب احشاي..... شك ليش
انا شكلي بجفاك اندار ......شكليش
اليشوف رسوم وجهي .. يحير بيه

#الكردي

 

[mohammed.shams]

كحنطه براح وبحركه..... يرش باي
الجفه والفارك اعزازه....... يرش باي
بجفاك الشامت اتحزم....... يرش باي
ملح وانه الجروح دروب بيه

#الكردي