أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

أشوفك صعب من تعله شنش بيك
وچنت ملتم علي كلك شنش بيك
علي زعلان شالقصة شنو شبيك
ولاچنك أمس نمت اعله ادية

 

[mohammed.shams]

أحس الموت واگفلي ويومي
واضن گربت منيتي آنه ويومي
أريد اگعد أنه الليلة وي امي
گبل ماروحن بثوب المنية

 

[mohammed.shams]

گلبي ساعة الك ينبض سعالي
ولاأنسه أبد كلمن سعالي
أسعل شنهي ماتسمع سعالي
وعلى شفافك تحمل صيدلية

 

[mohammed.shams]

أسف منك كل اهمومي والآلام
وجرحي اوياك مايشفه ولالم
ورغم كل هذا ماعاتب ولالوم
وانته بكل صلافة تلوم بية

 

[mohammed.shams]

گطرة حيه آنه واتگصة
يعرفنه النشد عنه والتگصه
إحنه بجسم واحد والتگصه
چفك لاتضن گصيت ادية
==============

 

[mohammed.shams]

أأمرني والبيلك عسلبيك
وعساهن بيه يفترن عسه البيك
حنظل لو ضگت خدي عسل بيك
وشفتك للنحل وجبة شهية

 

[mohammed.shams]

أريد امشي نهار الصيف واسعه
على ام حلگ الزغير وعين وسعة
يحفار الگبر بالله وسعه
بلكي اتصير موتتنه سوية

 

[mohammed.shams]

بعد ما أغزل لغيري ولاحوك
لأن لارد اليستاهل ولحگ
غشمة وصوبوك انته ولاحوك
وعنتر بالحچي صاير علية
==============

 

[mohammed.shams]

بعدك گمت اسوي النوح ويبات
ولا خلي دليلي ايهيم وي بت
الحزن وياي طول الليل ويبات
بفراشي ويسولفلي علية

 

[mohammed.shams]

عميت ولانفع حدي وسني
ولاواحد عرف حالي وسني
سنون الناس عضتني وسني
ماعضني لچن يضحك علية
==============